Расширенный поиск
22 Января 2025 года
Логин: Регистрация
Пароль: Забыли пароль?
Навигация
Словарь
  • Биреуню эскиси биреуге джангы болмайды.
  • Сёз садакъдан кючлюдю.
  • Бойнуму джети джерден кессенг да, мен ол ишни этеллик тюлме.
  • Булут кёкге джарашыу, уят бетге джарашыу.
  • Туз, гырджын аша, тюзлюк бла джаша.
  • Таякъ этден ётер, тил сюекден ётер.
  • Суу да къайтады чыкъгъан джерине.
  • Къонакъ аз олтурур, кёб сынар.
  • Кюлме джашха – келир башха.
  • Азыгъы аз, алгъа къабар, аты аман, алгъа чабар.
  • Сабыр джетер муратха, сабырсыз къалыр уятха.
  • Шекер бла туз – бир болмаз, ушамагъан – юй болмаз.
  • Къарын къуру болса, джюрек уру болур.
  • Аманны эки битли тону болур, бирин сеннге кийдирир, бирин кеси киер.
  • Тас болгъан бычакъны сабы – алтын.
  • Терслик кетер, тюзлюк джетер.
  • Билимден уллу байлыкъ джокъду.
  • Мен да «сен», дейме, сен да «кесим», дейсе.
  • Танг атмайма десе да, кюн къоярыкъ тюйюлдю.
  • Эллинг бла джау болсанг да, юйюнг бла джау болма.
  • Рысхысына кёре, джаш ёсер, къышлыгъына кёре, мал ёсер.
  • Адамгъа аман кюн соруб келмейди.
  • Кюн – узун, ёмюр – къысха.
  • Татлы сёз – балдан татлы.
  • Рысхы – насыбха къор.
  • Байлыкъдан саулукъ ашхыды.
  • Адамны аманы адамны бети бла ойнар.
  • Джол бла сёзню къыйыры джокъ.
  • Ёлген ийнек сютлю болур.
  • Бир абыннган – минг сюрюнюр.
  • Чабакъсыз кёлге къармакъ салгъанлыкъгъа, чабакъ тутмазса.
  • Тай асырагъан, атха минер.
  • Босагъагъа джууукъ орун болса, ашыгъыб тёрге озма.
  • Ашхы атаны – джашы ашхы, ашхы ананы – къызы ашхы.
  • Байдан умут эте, джарлыдан ёгюз багъасы къорады.
  • Ёзденликни кёбю ётюрюк.
  • Чомартны къолун джокълукъ байлар.
  • Миллетни бойну – базыкъ, аны бла кюрешген – джазыкъ.
  • Кёзден кетген, кёлден да кетеди.
  • Къарнынг къанлынга кийирир.
  • Ишни ахырын ойламай, аллын башлама.
  • Уллу айтханны этмеген – уллаймаз.
  • Къыз тиширыу кеси юйюнде да къонакъды.
  • Аман хансны – урлугъу кёб.
  • Хантына кёре тузу, юйюне кёре къызы.
  • Къызбайны юйюне дери сюрсенг, батыр болур.
  • Айтхан – тынч, этген – къыйын.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Башланнган иш битер, къымылдагъан тиш тюшер.
  • Джюз элде джюз ёгюзюм болгъандан эсе, джюз джууугъум болсун.

Статьи

Статьи: культура, история, современность

Случайные Лучшие Рекомендуемые

Новые статьи

следующие 5 предыдущие 5

Популярные

за неделю за месяц

Последние комментарии