Аудио :: Аудио:: Песни на стихи Кайсына Кулиева

Айырылмаз джууугъунга, унутмаз сёзню айтма.
Таугъа чыгъаллыкъ эсенг, тюзде къалма.
Уллу сёлешме да, уллу къаб.
Джашынгы кесинг юретмесенг, джашау юретир.
Кийимни бичсенг, кенг бич, тар этген къыйын тюлдю.
Бал – татлы, балдан да бала – татлы.
Эм уллу байлыкъ – джан саулукъ.
Тойгъандан сора, ашны сёкме.
Эл элде бирер малынг болгъандан эсе, бирер тенгинг болсун.
Керилген да, ургъан кибикди.
Бети къызарыучу адамны, джюреги харам болмаз.
Аууз сакълагъан – джан сакълар.
Байны къызы баймакъ болса да, юйде къалмаз!
Хар ишни да аллы къыйынды.
Адамны адамлыгъы къыйынлыкъда айгъакъланады.
Эки ойлашыб, бир сёлешген.
Зар адамны насыбы болмаз.
От кюйдюрген, сау болса да, тот кюйдюрген, сау болмаз.
Орну джокъну – сыйы джокъ.
Шайтан алдады, тюзлюк къаргъады.
Ханнга да келеди хариблик.
Ачылгъан эт джабылыр, кёрген кёз унутмаз.
Керек ташны ауурлугъу джокъ.
Джаш болсун, къыз болсун, акъылы, саны тюз болсун.
Насыб бютеу халкъны юлюшюдю.
Ариу джол аджал келтирмез.
Сютню башын джалагъан къутулур, тюбюн ичген тутулур.
Сагъышы джокъ – джукъучу, акъылы джокъ – къаугъачы.
Алим болгъандан эсе, адам болгъан къыйынды.
Ишленмеклик адамлыкъды.
Ашха уста, юйюнде болсун
Ашлыкъ – бюртюкден, джюн – тюкден.
Хата – гитчеден.
Бал чибинни ургъаны – ачы, балы – татлы.
Aдам боллукъ, сыфатындан белгили.
Ишлегенден, къарагъан уста.
Кёпюр салгъан кеси ётер, уру къазгъан кеси кетер.
Ышармагъан – кюлмез, кюлмеген – къууанчны билмез.
Биреуню тёрюнден, кесинги эшик артынг игиди.
Кёбге таш атма.
Айранын берсенг, челегин да къызгъанма.
Ата джурт – алтын бешик.
Таула не мийик болсала да, аууш табылыр.
Ауругъаннга – кийик саулукъ, джетген къызгъа – чилле джаулукъ.
Босагъагъа джууукъ орун болса, ашыгъыб тёрге озма.
Билим ат болуб да чабар, къуш болуб да учар.
Татлы тилде – сёз ариу, чемер къолда – иш ариу.
Тюзлюк шохлукъну бегитир.
Ашыкъгъан cуу, тенгизге джетмез.
Ёпкелегенни ашы татлы болады.

Логин:	Регистрация

Пароль:	Забыли пароль?

Запомнить меня

Аудио

Песни на стихи Кайсына Кулиева

Скачать

Адрес