Песен: 16 Создан:
15.07.2017 Обновлен:
29.01.2018
| 4 Мая | 2024 года |
Навигация
- Агъач – джерни чырайы, кийим – эрни чырайы.
- Къозулугъунда тоймагъан, къойлугъунда тоймаз.
- Тиширыусуз юй – отсуз от джагъа.
- Ишге юренсин къоллары, халкъ бла болсун джоллары.
- Къарын къуру болса, джюрек уру болур.
- Келинин тута билмеген, къул этер, къызын тута билмеген, тул этер.
- Зар адам ашынгы ашар, кесинги сатар.
- Къазанны башы ачыкъ болса, итге уят керекди.
- Таугъа чыгъаллыкъ эсенг, тюзде къалма.
- Къолу уллу – асыу, аягъы уллу – джарсыу.
- Алма терегинден кери кетмез.
- Тойгъан джерден туугъан джер игиди.
- Кёлсюзден сёзсюз тууар.
- Суу кетер, таш къалыр.
- Шайтан алдады, тюзлюк къаргъады.
- Тил – кесген бычакъ, сёз – атылгъан окъ.
- Экеу тутушса, биреу джыгъылыр.
- Юйюнг бла джау болгъандан эсе, элинг бла джау бол.
- Ётюрюкден тюбю джокъ, кёлтюрюрге джиби джокъ.
- Ёлген аслан – сау чычхан.
- Рысхы – сют юсюнде кёмюк кибикди.
- Бети – къучакълар, джюреги – бычакълар.
- Халкъны джырын джырласанг, халкъ санга эжиу этер.
- Аманны эки битли тону болур, бирин сеннге кийдирир, бирин кеси киер.
- Джукъу тёшек сайламайды.
- Кийим тукъум сордурур.
- Адеби болмагъан къыз – тузсуз хант.
- Джеринден айырылгъан – джети джылар, джуртундан айырылгъан – ёлгюнчю джылар.
- Джыйырма къойну юч джыйырма эбзе кюте эди.
- Адамны артындан къара сабан сюрме.
- Байлыкъ тауусулур, билим тауусулмаз.
- Уясында не кёрсе, учханында аны этер.
- Ауругъаннга – кийик саулукъ, джетген къызгъа – чилле джаулукъ.
- Накъырданы арты керти болур.
- Эрине къаргъыш этген къатын, эрнин къабар.
- Кёпюр салгъан кеси ётер, уру къазгъан кеси кетер.
- Билим ат болуб да чабар, къуш болуб да учар.
- Ишни ахырын ойламай, аллын башлама.
- Къолунгдан къуймакъ ашатсанг да, атаны борчундан къутулмазса.
- Адеб базарда сатылмаз.
- Эллинг бла джау болсанг да, юйюнг бла джау болма.
- Къартны бурнун сюрт да, оноугъа тут.
- Джаш къарыу бла кючлю, къарт акъыл бла кючлю.
- Ханнга да келеди хариблик.
- Къызны минг тилер, бир алыр.
- Чомартха хар кюн да байрамды.
- Ач къарынны, токъ билмез
- Тойну къарнашы – харс, джырны къарнашы – эжиу.
- Ачны эсинде – аш.
- Джашда акъыл джокъ, къартда къарыу джокъ.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
