Песен: 4 Создан:
29.01.2018 Обновлен:
29.01.2018
| 4 Мая | 2024 года |
Навигация
- Юреннген ауруу къалмаз.
- Ёнгкюч къууана барыр, джылай келир.
- Къаллай салам берсенг, аллай джууаб алырса.
- Ишлегенде эринме, ишде чолакъ кёрюнме.
- Ханы къызы буюгъа-буюгъа киштик болду.
- Иги адамны бир сёзю эки болмаз.
- Къарт бла баш аша, джаш бла аякъ аша.
- Ариу сёз – къылычдан джити.
- Экиндини кеч къылсанг, чабыб джетер ашхам.
- Намыс сатылыб алынмайды.
- Адам къаллай бир ишленмесе, аллай бир кесин уллу кёреди.
- Билеги кючлю, бирни джыгъар, билими кючлю, мингни джыгъар.
- Сабыр джетер муратха, сабырсыз къалыр уятха.
- Ауурну тюбю бла, дженгилни башы бла джюрюген.
- Уллу айтханны этмеген – уллаймаз.
- Адеб джокъда, намыс джокъ.
- Кёбге таш атма.
- Айтханы чапыракъдан ётмеген.
- Ач къалгъандан, кеч къалгъан къолай.
- Джаным-тиним – окъуу, билим.
- Соргъан айыб тюлдю, билмеген айыбды.
- Сыфатында болмагъаны, суратында болмаз.
- Къатын къылыкъсыз, эр тынчлыкъсыз.
- Баргъанынга кёре болур келгенинг.
- Ашхы – джыяр, аман – джояр.
- Ётюрюкчюню шагъаты – къатында.
- Уллу суу бла уллу ауруудан башынгы сакъла.
- Нёгерсизни джолу узун.
- Халкъны джырын джырласанг, халкъ санга эжиу этер.
- Джети тилни билген джети кишиди.
- Ойнай билмеген, уруб къачар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тели турса – той бузар.
- Акъыллы айтыр эди, акъылсыз къоймайды.
- Къонагъы джокъну – шоху джокъ.
- Татлы сёз – балдан татлы.
- Эркишини аманы тиширыуну джылатыр.
- Телини эшигин, махтау джабар.
- Тешик этген тынчды, аны джамагъан къыйынды.
- Ашаса, ашамаса да, бёрюню ауузу – къан.
- Юре билмеген ит, къонакъ келтирир.
- Акъылсызны джууукъгъа алма, акъыллыны кенгнге салма.
- Ауругъанны сау билмез, ач къарынны токъ билмез.
- Адамны бетине къарама, адетине къара.
- Кёз – сюйген джерде, къол – ауругъан джерде.
- Иги – алгъыш этер, аман – къаргъыш этер.
- Миллетни бойну – базыкъ, аны бла кюрешген – джазыкъ.
- Эркиши – от, тиширыу – суу.
- Кёб джат да, бек чаб.
- Дууулдаса – бал чибин, къонса – къара чибин.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
