Песен: 28 Создан:
15.07.2017 Обновлен:
27.11.2017
| 7 Мая | 2024 года |
Навигация
- Къарны аманнга къазан такъдырма, къолу аманнга от джакъдырма.
- Къарын къуру болса, джюрек уру болур.
- Кёпюр салгъан кеси ётер, уру къазгъан кеси кетер.
- Иги адамны бир сёзю эки болмаз.
- Къайтырыкъ эшигинги, къаты уруб чыкъма.
- Рысхы – насыбха къор.
- Махтаннган къыз, тойда джукълар.
- Эртде тургъан бла эртде юйленнген сокъуранмаз.
- Атадан ёксюз – бир ёксюз, анадан ёксюз – эки ёксюз.
- Ачыу алгъа келсе, акъыл артха къалады.
- Ашда уялгъан – мухар, ишде уялгъан – хомух.
- Адам къыйынлыгъын кёлтюрюр, зауукълугъун кёлтюрмез.
- Юре билмеген ит, къонакъ келтирир.
- Оюмсуз атлагъан, аджалсыз ёлюр.
- Эки ойлашыб, бир сёлешген.
- Тенгинг джокъ эсе – изле, бар эсе – сакъла!
- Сескекли кесин билдирир.
- Алтыннга тот къонмаз.
- Тура эдим джата, къайдан чыкъды хата?
- Иесиз малны бёрю ашар.
- Къуллукъчума, деб махтанма, къуллукъ – хаух джамчыды!
- Накъырданы арты керти болур.
- Биреуню эскиси биреуге джангы болмайды.
- Мухар, кеси тойса да, кёзю тоймаз.
- Рысхысына кёре, джаш ёсер, къышлыгъына кёре, мал ёсер.
- Джашда акъыл джокъ, къартда къарыу джокъ.
- Келинин тута билмеген, къул этер, къызын тута билмеген, тул этер.
- Сютден ауузу кюйген, суугъа юфгюре эди.
- Ышармагъан – кюлмез, кюлмеген – къууанчны билмез.
- Чалманны аллы къалай башланса, арты да алай барады.
- Кийиминг бла танылма, адамлыкъ бла таныл.
- Эркишиге тары кебек танг кёрюнюр.
- Тамырсыз терекге таянма – джыгъылырса.
- Тилчи тилден къаныкъмаз.
- Суугъа – чабакъ, къаягъа – ыргъакъ.
- Ашхы сёз таш тешер.
- Ат да турмайды бир териде.
- Кийимни бичсенг, кенг бич, тар этген къыйын тюлдю.
- Танг атмайма десе да, кюн къоярыкъ тюйюлдю.
- Аз сёлеш, кёб ишле.
- Босагъагъа джууукъ орун болса, ашыгъыб тёрге озма.
- Алтыда кюлмеген, алтмышда кюлмез.
- Билмезни кёзю кёрмез, этмезни къулагъы эшитмез.
- Терек ауса, отунчу – кёб.
- Окъдан джара эртде-кеч болса да бителир, сёз джара, ёмюрге къалыр.
- Эринчекге кюн узун.
- Тик ёргени, тик энгишгеси да болады.
- Чакъырылмагъан къонакъ къачан кетерин сормаз.
- Тилчиден кери бол.
- Хар адамгъа кеси миннген тау кибик.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
