Аудио :: Аудио:: Чам хапарла

Уллу айтханны этмеген – уллаймаз.
Ач къалгъандан, кеч къалгъан къолай.
Къая джолда джортма, ачыкъ сёзден къоркъма.
Къоркъакъны кёзю экили кёрюр.
Иги болса, тамадама – махтау, аман болса, меннге – айыб.
От этилмеген джерден тютюн чыкъмайды.
Аз сёлешген, къайгъысыз турур.
Кийим тукъум сордурур.
Айырылгъанланы айю ашар, бёлюннгенлени бёрю ашар.
Джюрекден джюрекге джол барды.
Адамны артындан къара сабан сюрме.
Бал ашаргъа сюе эсенг, чибин ургъаннга тёз.
Ариу сёз аурууунгу алыр.
Борчунг бар эсе, хурджунунга ойлаб узал.
Босагъа таш юйге кирмей эди, тыбыр таш эшикге чыкъмай эди.
Терек ауса, отунчу – кёб.
Юйюнг бла джау болгъандан эсе, элинг бла джау бол.
Чабакъ башындан чирийди.
Чомартны къолу берекет.
Чыкълы кюнде чыкъмагъан, чыкъса къуру кирмеген.
Ач къарынны, токъ билмез
Нёгер болсанг, тенг бол, тенг болмасанг, кенг бол.
Биреуге аманлыкъ этиб, кесинге игилик табмазса.
Абынмазлыкъ аякъ джокъ, джангылмазлыкъ джаякъ джокъ.
Хунаны тюбюн къазсанг, юсюнге ауар.
Тенгни тенглиги джашай барсанг билинир.
Огъурлуну сёзю – суу, огъурсузну сёзю – уу.
Аман киши кеси юйюнде – къонакъ.
Хоншуну тауугъу къаз кёрюнюр, келини къыз кёрюнюр.
Аджаллыгъа окъсуз шкок атылыр.
Адеб базарда сатылмаз.
Ашаса, ашамаса да, бёрюню ауузу – къан.
Ёлген ийнек сютлю болур.
Чабакъгъа акъыл, табагъа тюшсе келеди.
Акъыл сабырлыкъ берир.
Босагъагъа джууукъ орун болса, ашыгъыб тёрге озма.
Къартха ушагъан джаш – акъыллы, джашха ушагъан къарт – тели.
Ишлерге уял да, ашаргъа табма.
Аууз сакълагъан – джан сакълар.
Джумушакъ терекни къурт ашар.
Тюз сёз баргъан сууну тыяр.
Эл ауузу – элия.
Баргъанынга кёре болур келгенинг.
Кёбден умут этиб, аздан къуру къалма.
Уллу суу бла уллу ауруудан башынгы сакъла.
Тик ёргени, тик энгишгеси да болады.
Айраннга суу къош, телиге джол бош.
Тил бла келеди джыр да.
Бети – къучакълар, джюреги – бычакълар.
Тенги кёбню джау алмаз, акъылы кёбню дау алмаз.

Логин:	Регистрация

Пароль:	Забыли пароль?

Запомнить меня

Аудио

Чам хапарла

Скачать

Адрес