Аудио :: Аудио:: Зурнукла къайтырла

Эртде тургъан джылкъычыны эркек аты тай табар.
Иги адам абынса да, джангылмаз.
Тилчи тилден къаныкъмаз.
Къарт айтханны этмеген, къартаймаз.
Этни да ашады, бетни да ашады.
Накъырда – кертини келечиси.
Ата Джуртун танымагъан, атасын да танымаз.
Соргъан айыб тюлдю, билмеген айыбды.
Кеси юйюмде мен да ханма.
Таукел къуру къалмаз.
Окъуу – билимни ачхычы, окъуу – дунияны бачхычы.
Сёлеш деб шай берген, тохта деб, сом берген.
Ётюрюкден тюбю джокъ, кёлтюрюрге джиби джокъ.
Эки къатын алгъан – эки ташны ортасына башын салгъан.
Нарт сёз къарт болмаз.
Аманны эки битли тону болур, бирин сеннге кийдирир, бирин кеси киер.
Джиби бир къат джетмей эди да, эки къат тарта эди.
Ёзденликни джайгъан – джокълукъ.
Биреуню тёрюнден, кесинги эшик артынг игиди.
Чакъырылмагъан къонакъ къачан кетерин сормаз.
Къарнынг бла ёч алма.
Сютню башын джалагъан къутулур, тюбюн ичген тутулур.
Ишни ахырын ойламай, аллын башлама.
Аманнга игилик этсенг, юйюнге сау бармазса.
Босагъа таш юйге кирмей эди, тыбыр таш эшикге чыкъмай эди.
Алгъанда – джууукъ, бергенде – джау.
Хар сёзню орну барды.
Аман киши кеси юйюнде – къонакъ.
Кёбню кёрген – кёб билир.
Аджалсыз ёлюм болмаз.
Къонакъ болсанг, ийнакъ бол.
Тели турса – той бузар.
Тойгъандан сора, ашны сёкме.
Къартны бурнун сюрт да, оноугъа тут.
Таугъа чыгъаллыкъ эсенг, тюзде къалма.
Джырчы джырчыгъа – къарнаш.
Суу кетер, таш къалыр.
Сакъалы текени да бар, мыйыгъы киштикни да бар.
Этек чакъмакълары баш джаргъан, сёлешген сёзлери таш джаргъан.
Эрине къаргъыш этген къатын, эрнин къабар.
Аман эсирсе, юйюн ояр.
Ашарыкъда сайлагъаннга – чий гырджын.
Рысхы – насыбха къор.
Ашлыкъ – бюртюкден, джюн – тюкден.
Эте билген, этген этеди, эте билмеген, юретген этеди!
Тёгюлген тюгел джыйылмайды.
Битмегеннге сакъал – танг.
Къан бла кирген, джан бла чыгъар.
Артына баргъанны, къатына барма.
Келгинчи, къонакъ уялыр, келгенден сора, къонакъбай уялыр.

Логин:	Регистрация

Пароль:	Забыли пароль?

Запомнить меня

Аудио

Зурнукла къайтырла

Скачать

Адрес