Аудио :: Аудио:: Прислушайся к словам

Сангырау къулакъ эл бузар.
Сабий кёргенин унутмаз.
Туз, гырджын аша, тюзлюк бла джаша.
Чалманны аллы къалай башланса, арты да алай барады.
Ашын ашагъанынгы, башын да сыйла.
Къазанны башы ачыкъ болса, итге уят керекди.
Тенгинг джокъ эсе – изле, бар эсе – сакъла!
Накъырданы арты керти болур.
Окъугъанны бети джарыкъ.
Гугурук къычырмаса да, тангны атары къалмаз.
Махтаннган къыз, тойда джукълар.
Тик ёргени, тик энгишгеси да болады.
Элни кючю – эмеген.
Ишленмеклик адамлыкъды.
Нёгер болсанг, тенг бол, тенг болмасанг, кенг бол.
Джеринден айырылгъан – джети джылар, джуртундан айырылгъан – ёлгюнчю джылар.
Гырджын – тепсини тамадасы.
Бир онгсуз адам адет чыгъарды, деб эштирик тюлсе.
Шайтан алдады, тюзлюк къаргъады.
Тилчи бир сагъатха айлыкъ хата этер.
Айыбны суу бла джууалмазса.
Джерни букъусу кёкге къонмаз.
Тюзлюк шохлукъну бегитир.
Эски джаугъа ышанма.
Окъ къызбайны джокълайды.
Сакъламагъан затынга джолукъсанг, не бек къууанаса, не бек ачыйса.
Эшекге миннген – биринчи айыб, андан джыгъылгъан – экинчи айыб.
Аман киши кеси юйюнде – къонакъ.
Кесине оноу эте билмеген, халкъына да эте билмез.
Соргъан айыб тюлдю, билмеген айыбды.
Айранын берсенг, челегин да къызгъанма.
Къартха ушагъан джаш – акъыллы, джашха ушагъан къарт – тели.
Эрине къаргъыш этген къатын, эрнин къабар.
Тюзню ётмеги тюзде къалса да, тас болмаз.
Ачлыкъда тары гырджын халыуадан татлы.
Тенги кёбню джау алмаз, акъылы кёбню дау алмаз.
Джарашыу сюйген – джалынчакъ.
Айтылгъан сёз ызына къайтмаз.
Тёзген – тёш ашар!
Сакъалы текени да бар, мыйыгъы киштикни да бар.
Кюн кёрмеген, кюн кёрсе, кюндюз чыракъ джандырыр.
Тил бла келеди джыр да.
Ашхы атаны – джашы ашхы, ашхы ананы – къызы ашхы.
Арбаз сайлама да, хоншу сайла.
Окъумагъан сокъурду, сокъур ташха абыныр!
Эшекни не къадар тюйсенг да, ат болмаз.
Къоркъакъны кёзю экили кёрюр.
Къонагъы джокъну – шоху джокъ.
Эр абынмай, эл танымаз.
Аман къатын алгъан, арыр, иги къатын алгъан джарыр.

Логин:	Регистрация

Пароль:	Забыли пароль?

Запомнить меня

Аудио

Прислушайся к словам

Скачать

Адрес