Аудио :: Аудио:: Чу-чу чуала

Къызбайны юйюне дери сюрсенг, батыр болур.
Билген билмегенни юретген адетди.
Къозулугъунда тоймагъан, къойлугъунда тоймаз.
Джаш къарыу бла кючлю, къарт акъыл бла кючлю.
Тюз сёз баргъан сууну тыяр.
Бек ашыкъгъан меннге джетсин, дегенди аракъы.
Алма терегинден кери кетмез.
От этилмеген джерден тютюн чыкъмайды.
Къарыусузгъа кюлме, онгсузгъа тийме.
Артына баргъанны, къатына барма.
Юйюнг бла джау болгъандан эсе, элинг бла джау бол.
Тил бла келеди джыр да.
Элде адам къалмаса, ит тахтагъа минер.
От кюйдюрген, сау болса да, тот кюйдюрген, сау болмаз.
Сёлеш деб шай берген, тохта деб, сом берген.
Ата Джуртуму башы болмасам да, босагъасында ташы болайым.
Кюл тюбюндеги от кёрюнмейди.
Айран тёгюлсе, джугъусу къалыр.
Ханнга да келеди хариблик.
Ачыу алгъа келсе, акъыл артха къалады.
Суугъа – чабакъ, къаягъа – ыргъакъ.
Таякъ этден ётер, тил сюекден ётер.
Гырджын – тепсини тамадасы.
Арбаз сайлама да, хоншу сайла.
Таш ата билмеген, башына урур.
Тамбла алтындан бюгюн багъыр ашхы.
Гугурук къычырмаса да, тангны атары къалмаз.
Эрни эр этерик да, къара джер этерик да, тиширыуду.
Ханы къызы буюгъа-буюгъа киштик болду.
Ишни аллы бла къууанма да, арты бла къууан.
Къумурсхала джыйылсала, пилни да джыгъадыла.
Билимден уллу байлыкъ джокъду.
Зар адамны насыбы болмаз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ачылгъан эт джабылыр, кёрген кёз унутмаз.
Окъуу – билимни ачхычы, окъуу – дунияны бачхычы.
Айтхан – тынч, этген – къыйын.
Шапа кёб болса, аш татымсыз болур.
Кимни – тили, тиши онглу, кимни – къолу, иши онглу.
Адеб этмеген, адеб кёрмез.
Байдан умут эте, джарлыдан ёгюз багъасы къорады.
Джарлы эскисин джамаса, къууаныр.
Болджал ишни бёрю ашар.
Баш болса, бёрк табылыр.
Джырчы джырчыгъа – къарнаш.
Таукелге нюр джауар.
Къазанда болса, чолпугъа чыгъар.
Эл бла кёргенинг эрелей.
Насыблы элин сюер, насыбсыз кесин сюер.
Иги – алгъыш этер, аман – къаргъыш этер.

Логин:	Регистрация

Пароль:	Забыли пароль?

Запомнить меня

Аудио

Чу-чу чуала

Скачать

Адрес