Аудио :: Аудио:: «Бош алай»

Башы ишлегенни, ауузу да ишлер.
Джылар джаш, атасыны сакъалы бла ойнар.
Мухар, кеси тойса да, кёзю тоймаз.
Термилгенинги табмазса, кюлгенинге тюберсе.
Сормай – алма, чакъырылмай – барма.
Джарлы эскисин джамаса, къууаныр.
Къарыусузгъа кюлме, онгсузгъа тийме.
Акъдан къара болмаз.
Къатын къылыкъсыз, эр тынчлыкъсыз.
Сёз къанатсыз учар.
Кийимни бичсенг, кенг бич, тар этген къыйын тюлдю.
Ачыкъ джюрекге джол – ачыкъ.
Джарашыу сюйген – джалынчакъ.
Къоркъакъны кёзю экили кёрюр.
Чакъырылмай келген къонакъ сыйланмай кетер.
Aдам боллукъ, сыфатындан белгили.
Гитче джилтин уллу элни джандырыр.
Иги адам абынса да, джангылмаз.
Джыгъылгъанны сырты джерден тоймаз.
Къолунгдан къуймакъ ашатсанг да, атаны борчундан къутулмазса.
Къонакъ болсанг, ийнакъ бол.
Экеу тутушса, биреу джыгъылыр.
Къуллукъчума, деб махтанма, къуллукъ – хаух джамчыды!
Ашлыкъ – бюртюкден, джюн – тюкден.
Кечеси – аяз, кюню – къыш, джарлы къаргъагъа бир аш тюш!
Юреннген ауруу къалмаз.
Джауумдан сора, кюн кюйдюрюр, ётюрюкден сора, айыб кюйдюрюр.
Биреуге аманлыкъны тилеме да, кесинге ашхылыкъны тиле.
Окъугъанны бети джарыкъ.
Кесинге джетмегенни, кёб сёлешме.
Билим къая тешер.
Къартны бурнун сюрт да, оноугъа тут.
Къазанны башы ачыкъ болса, итге уят керекди.
Намыс болмагъан джерде, насыб болмаз.
Сескекли кесин билдирир.
Джуртун къоругъан озар.
Чомарт бергенин айтмаз.
Аманны эки битли тону болур, бирин сеннге кийдирир, бирин кеси киер.
Мал ёлсе, сюек къалыр, адам ёлсе, иши къалыр.
Къыз келсе, джумуш эте келеди, къатын келсе, ушакъ эте келеди.
Игини сыйлагъан адетди.
Акъыллы башны – тили къысха.
Уллу сёзде уят джокъ.
Хатерли къул болур.
Ач къарным, тынч къулагъым.
Ишни аллы бла къууанма да, арты бла къууан.
Ойнай-ойнай кёз чыгъар.
Бозаны арты дауур болур.
Адам туугъан джеринде, ит тойгъан джеринде.
Сангырау къулакъ эл бузар.

Логин:	Регистрация

Пароль:	Забыли пароль?

Запомнить меня

Аудио

«Бош алай» - сабий назмула

Скачать

Адрес