Аудио :: Аудио:: Тузакъ

Суу да къайтады чыкъгъан джерине.
Адам къаллай бир ишленмесе, аллай бир кесин уллу кёреди.
Намыс сатылыб алынмайды.
Гугурук къычырмаса да, тангны атары къалмаз.
Чакъырылмай келген къонакъ сыйланмай кетер.
Джюрек кёзден алгъа кёрюр.
Айырылмаз джууугъунга, унутмаз сёзню айтма.
Кесинг сынамагъан затны, адамгъа буюрма.
Билеги кючлю, бирни джыгъар, билими кючлю, мингни джыгъар.
Къартны бурнун сюрт да, оноугъа тут.
Акъыл сабырлыкъ берир.
Къулакъдан эсе, кёзге ышан.
Эринчекге кюн узун.
Сакъ юйюне сау барыр.
Ушамагъан – джукъмаз.
Ёлген эшек бёрюден къоркъмайды.
Биреуге кёлтюрген таягъынг, кесинги башынга урур.
Башда акъыл болмаса, эки аякъгъа кюч джетер.
Накъырданы арты керти болур.
Башы ишлегенни, ауузу да ишлер.
Бичгенде ашыкъма, тикгенде ашыкъ.
Ёлюр джаннга, ёкюл джокъ.
Тил – кесген бычакъ, сёз – атылгъан окъ.
Джангыз терек къынгыр ёсер.
Мухар, кеси тойса да, кёзю тоймаз.
Уллу айтханны этмеген – уллаймаз.
Бети бедерден, намыс сакълама.
Келинни – келгинчи, бёркню кийгинчи кёр.
Бет бетге къараса, бет да джерге къарар.
Эрни эр этерик да, къара джер этерик да, тиширыуду.
Суу кетер, таш къалыр.
Ашатыргъа иш – ашхы, ишлетирге аш – ашхы.
Тура эдим джата, къайдан чыкъды хата?
Акъыл аздырмаз, билим тоздурмаз.
Байлыкъ келсе, акъыл кетер.
Джангыз торгъай джырламаз.
Керти сёзге тёре джокъ.
Тюзлюк шохлукъну бегитир.
Бир онгсуз адам адет чыгъарды, деб эштирик тюлсе.
Билген билмегенни юретген адетди.
Къызны минг тилер, бир алыр.
Окъугъан озар, окъумагъан тозар.
Экеулен сёлеше тура эселе, орталарына барыб кирме.
Кёлсюзден сёзсюз тууар.
Ётген ёмюр – акъгъан суу.
Чакъырылмагъан къонакъ тёрге атламаз.
Хансыз джомакъ болмаз.
Адамгъа аман кюн соруб келмейди.
Хар ишни да аллы къыйынды.
Тамырсыз терекге таянма – джыгъылырса.

Логин:	Регистрация

Пароль:	Забыли пароль?

Запомнить меня

Аудио

Тузакъ

Скачать

Адрес