Песен: 19 Создан:
21.10.2015 Обновлен:
10.06.2016
| 3 Мая | 2024 года |
Навигация
- Айтылгъан сёз ызына къайтмаз.
- Къралынгы – душмандан, башынгы от бла суудан сакъла.
- Асхат ашлыкъ сата, юйдегиси ачдан къата.
- Къолунгдан къуймакъ ашатсанг да, атаны борчундан къутулмазса.
- Ётюрюк хапар аякъ тюбю бла джюрюйдю.
- Игилик игилик бла сингдирилиучю затды.
- Уллу сёзде уят джокъ.
- Мураты болгъанны джюрек тебюую башхады.
- Айтхан сёзюне табылгъан.
- Онгсузну – джакъла, тенгликни – сакъла.
- Агъач – джерни чырайы, кийим – эрни чырайы.
- Чыбыкълыкъда бюгюлмеген, къазыкълыкъда бюгюлмей эди.
- Ышармагъан – кюлмез, кюлмеген – къууанчны билмез.
- Огъурлуну сёзю – суу, огъурсузну сёзю – уу.
- Эте билген, этген этеди, эте билмеген, юретген этеди!
- Зар адам ашынгы ашар, кесинги сатар.
- Кёл ашады да, кеси ашады.
- Берекет берсин деген джерде, берекет болур.
- Татлы сёз – балдан татлы.
- Бек анасы джыламаз.
- Къыйынлы джети элге оноу этер.
- Уллу къазанда бишген эт, чий къалмаз.
- Джолунга кёре – джюрюшюнг, джагъанга кёре – юлюшюнг.
- Тойчу джашха къарама, къойчу джашха къара.
- Аман къатын сабий табса, бий болур…
- Къонакъны къачан кетерин сорма, къачан келлигин сор.
- Арба аугъандан сора, джол кёргюзтюучю кёб болур.
- Акъыл къартда, джашда тюйюлдю – башдады.
- Айтылгъан буйрукъ, сёгюлмез
- Кёпюр салгъан кеси ётер, уру къазгъан кеси кетер.
- Дуния мал дунияда къалады.
- Адамгъа аман кюн соруб келмейди.
- Ашарыкъда сайлагъаннга – чий гырджын.
- Кёлю джокъну – джолу джокъ.
- Къолу уллу – асыу, аягъы уллу – джарсыу.
- Баш – акъыл ючюн, акъылман – халкъ ючюн.
- Ашда – бёрю, ишде – ёлю.
- Эркиши – от, тиширыу – суу.
- Аманнга игилик этсенг, юйюнге сау бармазса.
- Этим кетсе да, сюегим къалыр.
- Насыблы элин сюер, насыбсыз кесин сюер.
- Гитче джилтин уллу элни джандырыр.
- Уясында не кёрсе, учханында аны этер.
- Тилчиден кери бол.
- Джыгъылгъанны сырты джерден тоймаз.
- Адамны артындан къара сабан сюрме.
- Кийим тукъум сордурур.
- Келгинчи, къонакъ уялыр, келгенден сора, къонакъбай уялыр.
- Кесине оноу эте билмеген, халкъына да эте билмез.
- Орундукъ тюбюнде атылсам да, орта джиликме, де да айлан.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
