Аудио :: Аудио:: «Дуния» дегенинг…

Къумурсхала джыйылсала, пилни да джыгъадыла.
Адам къаллай бир ишленмесе, аллай бир кесин уллу кёреди.
Мал кёб болса, джууукъ кёб болур.
Хансыз джомакъ болмаз.
Айырылмаз джууугъунга, унутмаз сёзню айтма.
Аман хансны – урлугъу кёб.
Къонакъ хазыр болгъанлыкъгъа, къонакъбай хазыр тюлдю.
Ариу сёзде ауруу джокъ.
Алим болгъандан эсе, адам болгъан къыйынды.
Джаралыны джастыгъында сау ёлюр.
Хата – гитчеден.
Эл ауузу – элия.
Сескекли кесин билдирир.
Айыбны суу бла джууалмазса.
Мал тутхан – май джалар.
Айранын берсенг, челегин да къызгъанма.
Ашха уста, юйюнде болсун
Намысы болмагъанны, сыйы болмаз.
Шапа кёб болса, аш татымсыз болур.
Аджашханны ызындагъы кёреди, джангылгъанны джанындагъы биледи.
Ана къойну – балагъа джандет.
Ата Джуртуму башы болмасам да, босагъасында ташы болайым.
Сёз садакъдан кючлюдю.
Къонагъы джокъну – шоху джокъ.
Кирсизни – саны таза, халалны – къаны таза.
Сангырау къулакъ эл бузар.
Элиб деген, элге болушур.
Аманнга игилик этсенг, юйюнге сау бармазса.
Арба аугъандан сора, джол кёргюзтюучю кёб болур.
Берекет берсин деген джерде, берекет болур.
Кёкдеги болмаса, джердегин кёрмейди.
Акъыл сабырлыкъ берир.
Джюрекге ариу – кёзге да ариу.
Насыблы элин сюер, насыбсыз кесин сюер.
Ханнга да келеди хариблик.
Ёлген эшек бёрюден къоркъмайды.
Башы джабылгъан челекге, кир тюшмез.
Ат басханны джер билед.
Атадан ёксюз – бир ёксюз, анадан ёксюз – эки ёксюз.
Ана – юйню кюн джарыгъы.
Ач къарным, тынч къулагъым.
Джаш болсун, къыз болсун, акъылы, саны тюз болсун.
Окъугъанны бети джарыкъ.
Бети – къучакълар, джюреги – бычакълар.
Тешик этген тынчды, аны джамагъан къыйынды.
Итли къонакъ джарашмаз.
Суу да къайтады чыкъгъан джерине.
Джауумдан сора, кюн кюйдюрюр, ётюрюкден сора, айыб кюйдюрюр.
Акъыл бла адеб эгизледиле.
Джиби бир къат джетмей эди да, эки къат тарта эди.

Логин:	Регистрация

Пароль:	Забыли пароль?

Запомнить меня

Аудио

«Дуния» дегенинг…

Скачать

Адрес