Аудио :: Аудио:: Алтын хазнадан «Тауланы джырчылары»

Артына баргъанны, къатына барма.
Элге къуллукъ этмеген, элге ие болмаз.
Къыз тиширыу кеси юйюнде да къонакъды.
Таукел адам тау тешер.
Бек анасы джыламаз.
Ашарыкъда сайлагъаннга – чий гырджын.
Тыш элде солтан болгъандан эсе, кесинги элде олтан болгъан игиди!
Къыйынлы джети элни къайгъысын этер.
Эл элде бирер малынг болгъандан эсе, бирер тенгинг болсун.
Ашын ашагъанынгы, башын да сыйла.
Эллинг бла джау болсанг да, юйюнг бла джау болма.
Юреннген ауруу къалмаз.
Чомарт къонакъ юй иесин сыйлар.
Къызны минг тилер, бир алыр.
Адебни адебсизден юрен.
Ач отунчуну ачыуу – бурнунда.
Окъугъан – асыу, окъумагъан – джарсыу.
Акъыл сабырлыкъ берир.
Аджашхан тёгерек айланыр.
Сабыр джетер муратха, сабырсыз къалыр уятха.
Кёбден умут этиб, аздан къуру къалма.
Джетген къыз джерли эшекни танымаз.
Окъуу – билимни ачхычы, окъуу – дунияны бачхычы.
Тай асырагъан, атха минер.
Бетинги сатма, малынгы сат.
Джогъун бар этген, барын бал этген.
Ач келгенни – тойдур, кеч келгенни – къондур.
Ургъан суудан башынгы сакъла.
Къарт бла баш аша, джаш бла аякъ аша.
Телини эшигин, махтау джабар.
Огъурлуну сёзю – суу, огъурсузну сёзю – уу.
Этни да ашады, бетни да ашады.
Орну джокъну – сыйы джокъ.
Къатын байлыкъны сюер, эр саулукъну сюер.
Эки ойлашыб, бир сёлешген.
Къонакъны къачан кетерин сорма, къачан келлигин сор.
Эрине къаргъыш этген къатын, эрнин къабар.
Эри аманны, къатыны – аман.
Джаш къарыу бла кючлю, къарт акъыл бла кючлю.
Айырылмаз джууугъунга, унутмаз сёзню айтма.
Бозанг болмагъан джерге, къалагъынгы сукъма.
Этим кетсе да, сюегим къалыр.
Кёл – къызбай, къол – батыр.
Аджаллыгъа окъсуз шкок атылыр.
Ишлегенде эринме, ишде чолакъ кёрюнме.
Ханы къызы буюгъа-буюгъа киштик болду.
Элиб деген, элге болушур.
Хоншуну тауугъу къаз кёрюнюр, келини къыз кёрюнюр.
Бичгенде ашыкъма, тикгенде ашыкъ.
Кёзню ачылгъаны – иги, ауузну джабылгъаны – иги.

Логин:	Регистрация

Пароль:	Забыли пароль?

Запомнить меня

Аудио

Алтын хазнадан «Тауланы джырчылары»

Скачать

Адрес