Аудио :: Аудио:: Джолоучу (назмула бла хапарла)

Гырджын – тепсини тамадасы.
Ишлерге уял да, ашаргъа табма.
Ойнай-ойнай кёз чыгъар.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Игини сыйлагъан адетди.
Къонагъы джокъну – шоху джокъ.
Кюн – узун, ёмюр – къысха.
Тай асырагъан, атха минер.
Аууз сакълагъан – джан сакълар.
Уллу сёлешме да, уллу къаб.
Джарлыны эшигин махтагъан джабар.
Бир абыннган – минг сюрюнюр.
Тойгъа алгъа да барма, тойда артха да къалма.
Эринчекге кюн узун.
Джырына кёре эжиую.
Сормай – алма, чакъырылмай – барма.
Тыш элде солтан болгъандан эсе, кесинги элде олтан болгъан игиди!
Ач къарынны, токъ билмез
Ауругъан – джашаудан умутчу.
Элиб деген, элге болушур.
Ёзденликни джайгъан – джокълукъ.
Уруну арты – къуру.
Джаханимни кёрмей, джандетге кёл салмазса.
Кимни – тили, тиши онглу, кимни – къолу, иши онглу.
Тил – кесген бычакъ, сёз – атылгъан окъ.
Адам туугъан джеринде, ит тойгъан джеринде.
Гугук кесини атын айтыб къычыргъанча, мен, мен деб нек тураса?
Чёбню кёлтюрсенг, тюбюнден сёз чыгъар.
Дуния малгъа сатылма, кесингден телиге къатылма.
Къазанчы аман болса, къазаны къайнамаз.
Ким бла джюрюсенг, аны кёзю бла кёрюнюрсе.
Билимден уллу байлыкъ джокъду.
Бети – къучакълар, джюреги – бычакълар.
Бюгюн дуния кибик, тамбла ахыратды.
Билеги кючлю, бирни джыгъар, билими кючлю, мингни джыгъар.
Айтылгъан сёз ызына къайтмаз.
Ишин билген, аны сыйын чыгъарады.
Сёлеш деб шай берген, тохта деб, сом берген.
Билмейме деген – бир сёз
Алма терегинден кери кетмез.
Халкъны юйю – туугъан джери.
Къызгъанчдан ычхыныр, мухардан ычхынмаз.
Чабакъгъа акъыл, табагъа тюшсе келеди.
Эртде тургъан джылкъычыны эркек аты тай табар.
Кирсизни – саны таза, халалны – къаны таза.
Къайгъы тюбю – тенгиз.
Айтханы чапыракъдан ётмеген.
Тёзген – тёш ашар!
От кюйдюрген, сау болса да, тот кюйдюрген, сау болмаз.
Чомартха Тейри да борчлуду.

Логин:	Регистрация

Пароль:	Забыли пароль?

Запомнить меня

Аудио

Джолоучу (назмула бла хапарла)

Скачать

Адрес