Аудио :: Аудио:: Къарачай-Малкъар халкъ джомакъла бла таурухла 1

Ашыкъгъан cуу, тенгизге джетмез.
Битмегеннге сакъал – танг.
Зар адам ашынгы ашар, кесинги сатар.
Байлыкъ болгъан джерде, тынчлыкъ джокъду.
Юреннген ауруу къалмаз.
Джуртун къоругъан озар.
Шекер бла туз – бир болмаз, ушамагъан – юй болмаз.
Аз сёлеш, кёб ишле.
Бети бедерден, намыс сакълама.
Джангыз торгъай джырламаз.
Магъанасыз сёз – тауушсуз сыбызгъы.
Чакъырылмагъан къонакъ тёрге атламаз.
Кёрмегеннге кебек – танг, битмегеннге сакъал – танг.
Ётген ёмюр – акъгъан суу.
Кюн кёрмеген, кюн кёрсе, кюндюз чыракъ джандырыр.
Биреуню эскиси биреуге джангы болмайды.
Ариу сёз аурууунгу алыр.
Ким бла джюрюсенг, аны кёзю бла кёрюнюрсе.
Башы джабылгъан челекге, кир тюшмез.
Кёпюр салгъан кеси ётер, уру къазгъан кеси кетер.
Аман адам элни бир-бирине джау этер.
Адебсиз адам – джюгенсиз ат.
Тюз сёз баргъан сууну тыяр.
Джюрек кёзден алгъа кёрюр.
Адеби болмагъан къыз – тузсуз хант.
Атынг аманнга чыкъгъандан эсе, джанынг тамагъынгдан чыкъсын.
Садакъачыны джаны – къапчыгъында.
Биреуню тёрюнден, кесинги эшик артынг игиди.
Тилчи тилден къаныкъмаз.
Башынга джетмегенни сорма.
Чакъырылмагъан джерге барма, чакъырылгъан джерден къалма.
Къая джолда джортма, ачыкъ сёзден къоркъма.
От кюйдюрген, сау болса да, тот кюйдюрген, сау болмаз.
Сибиртки да сыйлы болду, кюрек да кюнлю болду.
Къонакъны къачан кетерин сорма, къачан келлигин сор.
Суу да къайтады чыкъгъан джерине.
Сангырау къулакъ эл бузар.
Ашхы атаны – джашы ашхы, ашхы ананы – къызы ашхы.
Адамны адамлыгъы къыйынлыкъда айгъакъланады.
Айранын берсенг, челегин да къызгъанма.
Уруну арты – къуру.
Элиб деген, элге болушур.
Ана къойну – балагъа джандет.
Къонагъы джокъну – шоху джокъ.
Джангызны оту джарыкъ джанмаз!
Юйюнгден чыкъдынг – кюнюнгден чыкъдынг.
Биреу ашаб къутулур, биреу джалаб тутулур.
Тойгъандан сора, ашны сёкме.
Иесиз малны бёрю ашар.
Этек чакъмакълары баш джаргъан, сёлешген сёзлери таш джаргъан.

Логин:	Регистрация

Пароль:	Забыли пароль?

Запомнить меня

Аудио

Къарачай-Малкъар халкъ джомакъла бла таурухла 1

Скачать

Адрес