Песен: 13 Создан:
29.04.2016 Обновлен:
29.04.2016
| 27 Апреля | 2024 года |
Навигация
- Аджашхан тёгерек айланыр.
- Джыйырма къойну юч джыйырма эбзе кюте эди.
- Байлыкъ болгъан джерде, тынчлыкъ джокъду.
- Мухардан ач ычхынмаз.
- Ариу сёз джыланны орнундан чыгъарыр.
- Баш – акъыл ючюн, акъылман – халкъ ючюн.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къая джолда джортма, ачыкъ сёзден къоркъма.
- Ариу сёз – къылычдан джити.
- Арпа, будай – ащды, алтын, кюмюш а – ташды.
- Минг тенг да азды, бир джау да кёбдю.
- Билмезни кёзю кёрмез, этмезни къулагъы эшитмез.
- Алтыда кюлмеген, алтмышда кюлмез.
- Джерни букъусу кёкге къонмаз.
- Тай асырагъан, атха минер.
- Нарт сёз – тилни бети.
- Акъыллы эркиши атын махтар, акъылсыз эркиши къатынын махтар.
- Къолу уллу – асыу, аягъы уллу – джарсыу.
- Билеги кючлю, бирни джыгъар, билими кючлю, мингни джыгъар.
- Асхат ашлыкъ сата, юйдегиси ачдан къата.
- Кюл тюбюндеги от кёрюнмейди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Душманны тышы – акъ, ичи – къара.
- Суугъа – чабакъ, къаягъа – ыргъакъ.
- Кёл – къызбай, къол – батыр.
- Тойчу джашха къарама, къойчу джашха къара.
- Ётюрюкню къуйругъу – бир тутум.
- Ач бёрюге мекям джокъ.
- Биреуге аманлыкъ этиб, кесинге игилик табмазса.
- Къулакъдан эсе, кёзге ышан.
- Къарт болгъан джерде, берекет болур, сабий болгъан джерде, оюн болур.
- Тёрде – темир таякълы, къаяда – чыпчыкъ аякълы.
- Тюкюрюк баш джармаз, налат кёз чыгъармаз!
- Тулпарлыкъ, билекден тюл – джюрекден.
- Ана кёлю – балада, бала кёлю – талада.
- Уллу айтханны этмеген – уллаймаз.
- Джырчы джырчыгъа – къарнаш.
- Ариуну – ауруу кёб.
- Джангыз торгъай джырламаз.
- Джиби бир къат джетмей эди да, эки къат тарта эди.
- Кёрмегеннге кебек – танг, битмегеннге сакъал – танг.
- Аманны къуугъан, аманлыкъ табар.
- Эллинг бла джау болсанг да, юйюнг бла джау болма.
- Халкъны юйю – туугъан джери.
- Атынг аманнга чыкъгъандан эсе, джанынг тамагъынгдан чыкъсын.
- Биреуню тёрюнден, кесинги эшик артынг игиди.
- Гугурук къычырмаса да, тангны атары къалмаз.
- Джумушакъ терекни къурт ашар.
- Кенгеш болса, уруш болмаз.
- Экеу тутушса, биреу джыгъылыр.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
