Песен: 7 Создан:
06.05.2016 Обновлен:
06.05.2016
| 3 Мая | 2024 года |
Навигация
- Ашхылыкъ джерде джатмайды, аманлыкъ суугъа батмайды.
- Орну джокъну – сыйы джокъ.
- Къонагъы джокъну – шоху джокъ.
- Баргъанынга кёре болур келгенинг.
- Ашда уялгъан – мухар, ишде уялгъан – хомух.
- Джырчы джырчыгъа – къарнаш.
- Чыбыкълыкъда бюгюлмеген, къазыкълыкъда бюгюлмей эди.
- Рысхысына кёре, джаш ёсер, къышлыгъына кёре, мал ёсер.
- Арыгъан къош чамчы болур.
- Чабакъсыз кёлге къармакъ салгъанлыкъгъа, чабакъ тутмазса.
- Ишленмеклик адамлыкъды.
- Билгенни къолу къарны джандырыр.
- Къаллай салам берсенг, аллай джууаб алырса.
- Эркишиге тары кебек танг кёрюнюр.
- Байлыкъ адамны сокъур этер.
- Мал тутхан – май джалар.
- Башланнган иш битер, къымылдагъан тиш тюшер.
- Элде адам къалмаса, ит тахтагъа минер.
- Кимни – тили, тиши онглу, кимни – къолу, иши онглу.
- Къралынгы – душмандан, башынгы от бла суудан сакъла.
- Аманнга игилик этсенг, юйюнге сау бармазса.
- Къарнынг ауруса, ауузунгу тый
- Ашыкъгъанны этеги бутуна чырмалыр.
- Хансыз джомакъ болмаз.
- Юреннген ауруу къалмаз.
- Джаш болсун, къыз болсун, акъылы, саны тюз болсун.
- Сабий кёргенин унутмаз.
- Къазанда болса, чолпугъа чыгъар.
- Иги сеники эсе да, сюйген кесимикин этеме.
- Ариу сёз – къылычдан джити.
- Акъылсызны джууукъгъа алма, акъыллыны кенгнге салма.
- Садакъачыны джаны – къапчыгъында.
- Кюлме джашха – келир башха.
- Билим ат болуб да чабар, къуш болуб да учар.
- Тели турса – той бузар.
- Иги сёз – джаннга азыкъ, аман сёз башха – къазыкъ.
- Джаным-тиним – окъуу, билим.
- Билимден уллу байлыкъ джокъду.
- Окъугъан – асыу, окъумагъан – джарсыу.
- Хатерли къул болур.
- Аманны эки битли тону болур, бирин сеннге кийдирир, бирин кеси киер.
- Арпа, будай – ащды, алтын, кюмюш а – ташды.
- Джолда аягъынга сакъ бол, ушакъда тилинге сакъ бол.
- Игиге айтсанг – билир, аманнга айтсанг – кюлюр.
- Биреуге аманлыкъны тилеме да, кесинге ашхылыкъны тиле.
- Ачылгъан эт джабылыр, кёрген кёз унутмаз.
- Мадар болса, къадар болур.
- Илму – джашауну джолу.
- Джумушакъ сёз къаты таякъны сындырыр.
- Ойнай билмеген, оюн бузар.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
