Аудио :: Аудио:: Апсатыны конагъы

Къызны минг тилер, бир алыр.
Бермеген къол, алмайды.
Айтхан сёзюне табылгъан.
Зарда марда джокъ.
Бозанг болмагъан джерге, къалагъынгы сукъма.
Ёлген эшек бёрюден къоркъмайды.
Джаш къарыу бла кючлю, къарт акъыл бла кючлю.
Тилчиден кери бол.
Малны кют, джерни тюрт.
Ауругъаннга – кийик саулукъ, джетген къызгъа – чилле джаулукъ.
Окъуусуз билим – джокъ, билимсиз кюнюнг – джокъ.
Эки итни арасына сюек атма, эки адамны арасында сёз чыгъарма.
Къонагъынгы артмагъын алма да, алгъышын ал.
Къарыусузгъа кюлме, онгсузгъа тийме.
Билим ат болуб да чабар, къуш болуб да учар.
Къыз келсе, джумуш эте келеди, къатын келсе, ушакъ эте келеди.
Асхат ашлыкъ сата, юйдегиси ачдан къата.
Джыланны къуйругъундан басарынг келсе, аны башы болгъанын унутма.
Къарнынг къанлынга кийирир.
Тилчи тилден къаныкъмаз.
Аш иеси бла татлыды.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Тойгъа барсанг, тоюб бар, эски тонунгу къоюб бар.
Тели турса – той бузар.
Эр сокъур болсун, къатын тилсиз болсун.
Халкъгъа джарагъан, джарлы къалмаз.
Кюлме джашха – келир башха.
Ач, тоймам, дейди, тойгъан, ач болмам, дейди.
Орундукъ тюбюнде атылсам да, орта джиликме, де да айлан.
Аманнга да, игиге да оноусуз къатышма.
Кёб джашагъан – кёб билир.
Къартны бурнун сюрт да, оноугъа тут.
Айраннга суу къош, телиге джол бош.
Этим кетсе да, сюегим къалыр.
Нарт сёз къарт болмаз.
Бюгюн дуния кибик, тамбла ахыратды.
Чыкълы кюнде чыкъмагъан, чыкъса къуру кирмеген.
Ариу сёз джыланны орнундан чыгъарыр.
Кёрмегеннге кебек – танг, битмегеннге сакъал – танг.
Джыгъылгъанны сырты джерден тоймаз.
Ауузу аманнга «иги», деме.
Уруну арты – къуру.
Адебни адебсизден юрен.
Эл тойса, тоймагъан, эл къойса, къоймагъан.
Эл ауузу – элия.
Тик ёргени, тик энгишгеси да болады.
Акъыл къартда, джашда тюйюлдю – башдады.
Акъыллы башны – тили къысха.
Ариуну – ауруу кёб.
Дууулдаса – бал чибин, къонса – къара чибин.

Логин:	Регистрация

Пароль:	Забыли пароль?

Запомнить меня

Аудио

Апсатыны конагъы

Скачать

Адрес