Песен: 8 Создан:
22.12.2016 Обновлен:
22.12.2016
| 3 Мая | 2024 года |
Навигация
- Ёпкелегенни ашы татлы болады.
- Элни кючю – эмеген.
- Ачлыкъ отха секиртир.
- Намысы джокъну – дуниясы джокъ.
- Аманны эки битли тону болур, бирин сеннге кийдирир, бирин кеси киер.
- Аман къатын сабий табса, бий болур…
- Биреуге аманлыкъны тилеме да, кесинге ашхылыкъны тиле.
- Сабийликде юретмесенг, уллу болса – тюзелмез.
- Къонагъынгы артмагъын алма да, алгъышын ал.
- Ач отунчуну ачыуу – бурнунда.
- Эл ауузу – элия.
- Къарт бла баш аша, джаш бла аякъ аша.
- Уллу суу бла уллу ауруудан башынгы сакъла.
- Къар – келтирди, суу – элтди.
- Тас болгъан бычакъны сабы – алтын.
- Босагъагъа джууукъ орун болса, ашыгъыб тёрге озма.
- Суу ичген шауданынга тюкюрме.
- Огъурлуну сёзю – суу, огъурсузну сёзю – уу.
- Кёл – къызбай, къол – батыр.
- Эр абынмай, эл танымаз.
- Юйюнгден чыкъдынг – кюнюнгден чыкъдынг.
- Тюз сёз баргъан сууну тыяр.
- Намысы болмагъанны, сыйы болмаз.
- Аш берме да, къаш бер.
- Сагъышы джокъ – джукъучу, акъылы джокъ – къаугъачы.
- Акъыллы – эл иеси, тели – эл баласы.
- Баш болса, бёрк табылыр.
- Таш ата билмеген, башына урур.
- Сууда джау джокъ, кёб сёзде магъана джокъ.
- Къызын тута билмеген, тул этер, джашын тута билмеген, къул этер.
- Татлы тилде – сёз ариу, чемер къолда – иш ариу.
- Къазанда болса, чолпугъа чыгъар.
- Гугурук къычырмаса да, тангны атары къалмаз.
- Чомартха хар кюн да байрамды.
- Ойнай-ойнай кёз чыгъар.
- Кеси юйюмде мен да ханма.
- Тамырсыз терекге таянма – джыгъылырса.
- Ач бёрюге мекям джокъ.
- Намыс сатылыб алынмайды.
- Къарнынг тойгъунчу аша да, белинг талгъынчы ишле.
- Хар ишни да аллы къыйынды.
- Ариу сёзде ауруу джокъ.
- Сыфатында болмагъаны, суратында болмаз.
- Кёл ашады да, кеси ашады.
- Джюрек кёзден алгъа кёрюр.
- Орну джокъну – сыйы джокъ.
- Накъырда – кертини келечиси.
- Джюз элде джюз ёгюзюм болгъандан эсе, джюз джууугъум болсун.
- Байлыкъ тауусулур, билим тауусулмаз.
- Адамны бетине къарама, адетине къара.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
