Песен: 7 Создан:
03.02.2017 Обновлен:
03.02.2017
| 3 Мая | 2024 года |
Навигация
- Биреуню эскиси биреуге джангы болмайды.
- Чабакъсыз кёлге къармакъ салгъанлыкъгъа, чабакъ тутмазса.
- Танг атмайма десе да, кюн къоярыкъ тюйюлдю.
- Мадар болса, къадар болур.
- Адебни адебсизден юрен.
- Ач уят къоймаз.
- Къызбайны юйюне дери сюрсенг, батыр болур.
- Накъырда – кертини келечиси.
- Душманны тышы – акъ, ичи – къара.
- Чомарт бергенин айтмаз.
- Къарнынг къанлынга кийирир.
- Айтханы чапыракъдан ётмеген.
- Байны къызы баймакъ болса да, юйде къалмаз!
- Онгсузну – джакъла, тенгликни – сакъла.
- Къонакъ хазыр болгъанлыкъгъа, къонакъбай хазыр тюлдю.
- Этим кетсе да, сюегим къалыр.
- Айтылгъан буйрукъ, сёгюлмез
- Кенгеш болса, уруш болмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къолунгдан къуймакъ ашатсанг да, атаны борчундан къутулмазса.
- Ёлген ийнек сютлю болур.
- Акъыл аздырмаз, билим тоздурмаз.
- Кесинг сынамагъан затны, адамгъа буюрма.
- Ёлюк кебинсиз къалмаз.
- Эркиши – от, тиширыу – суу.
- Бойнуму джети джерден кессенг да, мен ол ишни этеллик тюлме.
- Ауругъаннга – кийик саулукъ, джетген къызгъа – чилле джаулукъ.
- Сёз – кюмюш, джыр – алтын.
- Тил – миллетни джаны.
- Джырына кёре эжиую.
- Чалманны аллы къалай башланса, арты да алай барады.
- Ариу сёз аурууунгу алыр.
- Юре билмеген ит, къонакъ келтирир.
- Адам туугъан джеринде, ит тойгъан джеринде.
- Мураты болгъанны джюрек тебюую башхады.
- Кимни – тили, тиши онглу, кимни – къолу, иши онглу.
- Кирсизни – саны таза, халалны – къаны таза.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аууз сакълагъан – джан сакълар.
- Айтылгъан сёз ызына къайтмаз.
- Ариу – кёзге, акъыл – джюрекге.
- Тулпарлыкъ, билекден тюл – джюрекден.
- Терек ауса, отунчу – кёб.
- Ёгюзню мюйюзлери ауурлукъ этмейдиле.
- Кёб джашагъан – кёб билир.
- Ишлегенде эринме, ишде чолакъ кёрюнме.
- Акъыл неден да кючлюдю.
- Эртде тургъан бла эртде юйленнген сокъуранмаз.
- Ашаса, ашамаса да, бёрюню ауузу – къан.
- Адамны сыфатына къарама, сёзюне къара.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
