Песен: 8 Создан:
16.03.2017 Обновлен:
29.01.2018
| 3 Мая | 2024 года |
Навигация
- Кюлме джашха – келир башха.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Суугъа – таянма, джаугъа – ийнанма.
- Айтылгъан буйрукъ, сёгюлмез
- Таукелге нюр джауар.
- Кёзню ачылгъаны – иги, ауузну джабылгъаны – иги.
- Рысхы джалгъанды: келген да этер, кетген да этер.
- Бети къызарыучу адамны, джюреги харам болмаз.
- Джерни букъусу кёкге къонмаз.
- Башсыз урчукъ тюзюне айланмаз.
- Тау башында, тау болмаз, джангыз терек, бау болмаз.
- Этек чакъмакълары баш джаргъан, сёлешген сёзлери таш джаргъан.
- Ана – юйню кюн джарыгъы.
- Ишленмеген джаш – джюгенсиз ат, ишленмеген къыз – тузсуз хант.
- Аш берме да, къаш бер.
- Биреу ашаб къутулур, биреу джалаб тутулур.
- Тил – миллетни джаны.
- Къонакъ кёб келюучю юйню, къазаны отдан тюшмез.
- Къыз чыгъаргъан – къызыл къымжа.
- Байны къызы баймакъ болса да, юйде къалмаз!
- Къумурсхала джыйылсала, пилни да джыгъадыла.
- Окъумагъан сокъурду, сокъур ташха абыныр!
- Джарашыу сюйген – джалынчакъ.
- Чакъырылмагъан джерге барма, чакъырылгъан джерден къалма.
- Къарт айтханны этмеген, къартаймаз.
- Кёзю сокъурдан – къоркъма, кёлю сокъурдан – къоркъ.
- Чабакъгъа акъыл, табагъа тюшсе келеди.
- Сабыр джетер муратха, сабырсыз къалыр уятха.
- Зар адамны насыбы болмаз.
- Тин – байлыгъынг, терен саулугъунг.
- Джети тилни билген джети кишиди.
- Биреуню къыйынлыгъы бла кесинге джол ишлеме.
- Хата – гитчеден.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къар – келтирди, суу – элтди.
- Аллахха ийнаннган кишини, Аллах онгдурур ишин.
- Джахил болса анасы, не билликди баласы?
- Къайтырыкъ эшигинги, къаты уруб чыкъма.
- Адам къыйынлыгъын кёлтюрюр, зауукълугъун кёлтюрмез.
- Къолунгдан къуймакъ ашатсанг да, атаны борчундан къутулмазса.
- Баргъанынга кёре болур келгенинг.
- Ётюрюкню къуйругъу – бир тутум.
- Мадар болса, къадар болур.
- Суу ичген шауданынга тюкюрме.
- Ач бёрюге мекям джокъ.
- Эл бла кёргенинг эрелей.
- Чакъырылмагъан къонакъ къачан кетерин сормаз.
- Юре билмеген ит, къонакъ келтирир.
- Байлыкъ тауусулур, билим тауусулмаз.
- Байлыкъ келсе, акъыл кетер.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
