Аудио :: Аудио:: Хапарла

Бозаны арты дауур болур.
Кёзден кетген, кёлден да кетеди.
Сакъламагъан затынга джолукъсанг, не бек къууанаса, не бек ачыйса.
Ашлыкъны арба юйге келтирир, чана базаргъа элтир.
Адамны сабийин сюйген джюреги, бычакъча, джитиди.
Къралынгы – душмандан, башынгы от бла суудан сакъла.
Къарнынг ауруса, ауузунгу тый
Бастасын ашагъан, хантусун да ичер.
Ашхы тенг джолгъа салыр, аман тенг джолдан тайдырыр.
Билген билмегенни юретген адетди.
Тик ёргени, тик энгишгеси да болады.
Джаралыны джастыгъында сау ёлюр.
Байлыкъ адамны сокъур этер.
Къумурсхала джыйылсала, пилни да джыгъадыла.
Ашыкъгъан cуу, тенгизге джетмез.
Юй кюйдю да, кюйюз чыкъды, ортасындан тюйюш чыкъды.
Тиширыусуз юй – отсуз от джагъа.
Гыдай эчки суугъа къараб, мюйюзле кёрмесе, джашма алкъын, дегенди.
Билим къая тешер.
Айран тёгюлсе, джугъусу къалыр.
Кесинг сынамагъан затны, адамгъа буюрма.
Тёрдеги кюлсе, эшикдеги ышарыр.
Булут кёкге джарашыу, уят бетге джарашыу.
Бозанг болмагъан джерге, къалагъынгы сукъма.
Ата – билек, ана – джюрек!
Ышармагъан – кюлмез, кюлмеген – къууанчны билмез.
Тешик этген тынчды, аны джамагъан къыйынды.
Къая джолда джортма, ачыкъ сёзден къоркъма.
Къарт айтханны этмеген, къартаймаз.
Къалгъан ишге къар джауар.
Урама да – ёледи, сатама да – келеди.
Намыс болмагъан джерде, насыб болмаз.
Адебсиз адам – джюгенсиз ат.
Уллу къашыкъ эрин джыртар.
Ашына кёре табагъы, балына кёре къалагъы.
Къыз келсе, джумуш эте келеди, къатын келсе, ушакъ эте келеди.
Къыйынлы джети элни къайгъысын этер.
Адамгъа аман кюн соруб келмейди.
Чыкълы кюнде чыкъмагъан, чыкъса къуру кирмеген.
Окъугъан – асыу, окъумагъан – джарсыу.
Бичгенде ашыкъма, тикгенде ашыкъ.
Тешигини къатында, чычхан да батыр болур.
Джолда аягъынга сакъ бол, ушакъда тилинге сакъ бол.
Къызбайны юйюне дери сюрсенг, батыр болур.
Асхат ашлыкъ сата, юйдегиси ачдан къата.
Бёрю да ач къалмасын, эчки да ашалмасын.
Окъугъан озар, окъумагъан тозар.
Ётюрюкню къуйругъу – бир тутум.
Джиби бир къат джетмей эди да, эки къат тарта эди.
Ашатыргъа иш – ашхы, ишлетирге аш – ашхы.

Логин:	Регистрация

Пароль:	Забыли пароль?

Запомнить меня

Аудио

Хапарла

Скачать

Адрес