Песен: 5 Создан:
01.12.2017 Обновлен:
01.12.2017
| 3 Мая | 2024 года |
Навигация
- Танг атмайма десе да, кюн къоярыкъ тюйюлдю.
- Этек чакъмакълары баш джаргъан, сёлешген сёзлери таш джаргъан.
- Байлыкъ адамны сокъур этер.
- Джумушакъ сёз къаты таякъны сындырыр.
- Джылар джаш, атасыны сакъалы бла ойнар.
- Аурууну келиую тынч, кетиую – къыйын.
- Къарыусузгъа кюлме, онгсузгъа тийме.
- Аманны эки битли тону болур, бирин сеннге кийдирир, бирин кеси киер.
- Онгсузну – джакъла, тенгликни – сакъла.
- Окъумагъан сокъурду, сокъур ташха абыныр!
- Эл бла кёргенинг эрелей.
- Чомартха Тейри да борчлуду.
- Акъыл неден да кючлюдю.
- Эм уллу байлыкъ – джан саулукъ.
- Тилде сюек болмаса да, сюек сындырыр.
- Биреуге аманлыкъны тилеме да, кесинге ашхылыкъны тиле.
- Керилген да, ургъан кибикди.
- Эл ауузу – элек, анга ийнаннган – халек.
- Туз, гырджын аша, тюзлюк бла джаша.
- Юйюнг бла джау болгъандан эсе, элинг бла джау бол.
- Эки къатын алгъан – эки ташны ортасына башын салгъан.
- Къошда джокъгъа – юлюш джокъ.
- Тил джюрекге джол ишлейди.
- Къуру гыбыт бек дыгъырдар.
- Сютню башын джалагъан къутулур, тюбюн ичген тутулур.
- Кёлю джокъну – джолу джокъ.
- Акъыллы – эл иеси, тели – эл баласы.
- Ашхы атаны – джашы ашхы, ашхы ананы – къызы ашхы.
- Мухар, кеси тойса да, кёзю тоймаз.
- Мал ёлсе, сюек къалыр, адам ёлсе, иши къалыр.
- Босагъагъа джууукъ орун болса, ашыгъыб тёрге озма.
- «Ма», - дегенни билмесенг, «бер», - дегенни билмезсе.
- Джюрек кёзден алгъа кёрюр.
- Ишленмеген джаш – джюгенсиз ат, ишленмеген къыз – тузсуз хант.
- Азыкълы ат арымаз, къатыны аман джарымаз.
- Къолу уллу – асыу, аягъы уллу – джарсыу.
- Эшекге миннген – биринчи айыб, андан джыгъылгъан – экинчи айыб.
- Эртде тургъан джылкъычыны эркек аты тай табар.
- Юйлю уругъа ит чабмаз.
- Эрине къаргъыш этген къатын, эрнин къабар.
- Башы ишлегенни, ауузу да ишлер.
- Сёлеш деб шай берген, тохта деб, сом берген.
- Орундукъ тюбюнде атылсам да, орта джиликме, де да айлан.
- Суугъа – чабакъ, къаягъа – ыргъакъ.
- Уллу атлама – абынырса, уллу къабма – къарылырса.
- Къарнынг бла ёч алма.
- Къанны къан бла джуума, аманны аман бла къуума.
- Чабар ат – джетген къыз.
- Махтаннган къыз, тойда джукълар.
- Телиге от эт десенг, юйюнге от салыр.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
