Песен: 45 Создан:
01.12.2017 Обновлен:
01.12.2017
| 28 Апреля | 2024 года |
Навигация
- Джарлыны эшигин махтагъан джабар.
- Элге къуллукъ этмеген, элге ие болмаз.
- Насыб бютеу халкъны юлюшюдю.
- Бозанг болмагъан джерге, къалагъынгы сукъма.
- Гитче джилтин уллу элни джандырыр.
- Керилген да, ургъан кибикди.
- Айтхан – тынч, этген – къыйын.
- Кёрмегеннге кебек – танг, битмегеннге сакъал – танг.
- Билим ат болуб да чабар, къуш болуб да учар.
- Ашатыргъа иш – ашхы, ишлетирге аш – ашхы.
- Уллу атлама – абынырса, уллу къабма – къарылырса.
- Хар сёзню орну барды.
- «Ма», - дегенни билмесенг, «бер», - дегенни билмезсе.
- Ат да турмайды бир териде.
- Гугурук къычырмаса да, тангны атары къалмаз.
- Айтылгъан буйрукъ, сёгюлмез
- Керти сёзге тёре джокъ.
- Атынг аманнга чыкъгъандан эсе, джанынг тамагъынгдан чыкъсын.
- Ургъан суудан башынгы сакъла.
- Дуния малгъа сатылма, кесингден телиге къатылма.
- Билимден уллу байлыкъ джокъду.
- Кийимни бичсенг, кенг бич, тар этген къыйын тюлдю.
- Тойчу джашха къарама, къойчу джашха къара.
- Эшекни не къадар тюйсенг да, ат болмаз.
- Бал чибинни ургъаны – ачы, балы – татлы.
- Эрни эр этерик да, къара джер этерик да, тиширыуду.
- «Ёгюз, джаргъа джууукъ барма, меннге джюк боллукъса», - дегенди эшек.
- Билимсиз иш бармаз.
- Адам сёзге тынгыла, акъыл сёзню ангыла.
- Ариу джол аджал келтирмез.
- Хунаны тюбюн къазсанг, юсюнге ауар.
- Уруну арты – къуру.
- Намысы болмагъанны, сыйы болмаз.
- Ач къарынны, токъ билмез
- Къуллукъчума, деб махтанма, къуллукъ – хаух джамчыды!
- Экиндини кеч къылсанг, чабыб джетер ашхам.
- Джумушакъ сёз къаты таякъны сындырыр.
- Сакъ юйюне сау барыр.
- Таула не мийик болсала да, аууш табылыр.
- Аман хансны – урлугъу кёб.
- Окъугъан – асыу, окъумагъан – джарсыу.
- Хатерли къул болур.
- Ашхы болсанг, атынг чыгъар, аман болсанг, джанынг чыгъар.
- Нёгерсизни джолу узун.
- Суу ичген шауданынга тюкюрме.
- Акъыл неден да кючлюдю.
- Чакъырылмагъан джерге барма, чакъырылгъан джерден къалма.
- Тойну къарнашы – харс, джырны къарнашы – эжиу.
- Къызын тута билмеген, тул этер, джашын тута билмеген, къул этер.
- Иги – алгъыш этер, аман – къаргъыш этер.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
