Аудио :: Аудио:: Байрамуков Магомед

Гугук кесини атын айтыб къычыргъанча, мен, мен деб нек тураса?
Тил – кесген бычакъ, сёз – атылгъан окъ.
Тас болгъан бычакъны сабы – алтын.
Айтхан сёзюне табылгъан.
Байма, деб да, къууанма, джарлыма, деб да, джылама.
Ёгюзню мюйюзюнден тутадыла, адамны сёзюнден тутадыла.
Къобан да къуру да къобханлай турмайды, адам да къуру да патчахлай турмайды.
Келлик заман – къартлыкъ келтирир, кетген заман – джашлыкъ ёлтюрюр.
Тилчи бир сагъатха айлыкъ хата этер.
Сыфатында болмагъаны, суратында болмаз.
Таукел адам тау тешер.
Рысхысына кёре, джаш ёсер, къышлыгъына кёре, мал ёсер.
Кюлме джашха – келир башха.
Акъыл аздырмаз, билим тоздурмаз.
Джаралыны джастыгъында сау ёлюр.
Элде адам къалмаса, ит тахтагъа минер.
Бет бетге къараса, бет да джерге къарар.
Акъыл неден да кючлюдю.
Келгинчи, къонакъ уялыр, келгенден сора, къонакъбай уялыр.
Аман адам элни бир-бирине джау этер.
Тенгинг джокъ эсе – изле, бар эсе – сакъла!
Къартны сыйын кёрмеген, къартлыгъында сыйлы болмаз.
Адамны аты башхача, акъылы да башхады.
Шекер бла туз – бир болмаз, ушамагъан – юй болмаз.
Эркиши – от, тиширыу – суу.
Билим – акъылны чырагъы.
Айранны сюйген, ийнек тутар.
Хата – гитчеден.
Бозаны арты дауур болур.
Иесиз малны бёрю ашар.
Юй кюйдю да, кюйюз чыкъды, ортасындан тюйюш чыкъды.
Аманнга алтын чыдамаз.
Керилген да, ургъан кибикди.
Къонакъ аман болса, къонакъбай джунчур
Аш иеси бла татлыды.
Байлыкъ келсе, акъыл кетер.
Сабийни джумушха джибер да, ызындан бар.
Джогъун бар этген, барын бал этген.
Билимли ёлмез, билимсиз кёрмез.
Алма терегинден кери кетмез.
Абынмазлыкъ аякъ джокъ, джангылмазлыкъ джаякъ джокъ.
Тюз сёз баргъан сууну тыяр.
Джангыз торгъай джырламаз.
Ётюрюкню къуйругъу – бир тутум.
Ётюрюкден тюбю джокъ, кёлтюрюрге джиби джокъ.
Керек ташны ауурлугъу джокъ.
Тамчы таш тешер.
Къарнынг къанлынга кийирир.
Кёрмегеннге кебек – танг, битмегеннге сакъал – танг.
Намысы болмагъанны, сыйы болмаз.

Логин:	Регистрация

Пароль:	Забыли пароль?

Запомнить меня

Аудио

Байрамуков Магомед

Скачать

Скачать

Альбом “АЛЬБОМ - "INSTRUMENTAL" 2002”

Скачать

Альбом “АЛЬБОМ - "SOLO" 2002”

Адрес