Аудио :: Аудио:: Хасаитов Руслан

Кюн – узун, ёмюр – къысха.
Чомартны къолу берекет.
Ёксюзню тилеги къабыл болур.
Окъумагъан сокъурду, сокъур ташха абыныр!
Тенгни тенглиги джашай барсанг билинир.
Тюзню ётмеги тюзде къалса да, тас болмаз.
Эринчекни эр алмаз, эр алса да, кёл салмаз, кёл салса да, кёб бармаз!
От кюйдюрген, сау болса да, тот кюйдюрген, сау болмаз.
Эркиши – от, тиширыу – суу.
Ёксюзню къалачы уллу кёрюнюр.
Хаухну атма, ёнгкючню сатма.
Бозанг болмагъан джерге, къалагъынгы сукъма.
Биреу ашаб къутулур, биреу джалаб тутулур.
Къаллай салам берсенг, аллай джууаб алырса.
Тили узунну, намысы – къысха.
Ушамагъан – джукъмаз.
Ишлегенде эринме, ишде чолакъ кёрюнме.
Адеб джокъда, намыс джокъ.
Тик ёргени, тик энгишгеси да болады.
Эркишиге тары кебек танг кёрюнюр.
Эте билген, этген этеди, эте билмеген, юретген этеди!
Кёб къычыргъандан – къоркъма, тынч олтургъандан – къоркъ.
Ишлемеген – тишлемез.
Тойну къарнашы – харс, джырны къарнашы – эжиу.
Чарсда алчыны эл кёреди.
Башда акъыл болмаса, эки аякъгъа кюч джетер.
Бал ашаргъа сюе эсенг, чибин ургъаннга тёз.
Иги адамны бир сёзю эки болмаз.
Хар сёзню орну барды.
Ачлыкъда тары гырджын халыуадан татлы.
Намыс сатылыб алынмайды.
Байны къызы баймакъ болса да, юйде къалмаз!
Башсыз урчукъ тюзюне айланмаз.
Сёлеш деб шай берген, тохта деб, сом берген.
Ач келгенни – тойдур, кеч келгенни – къондур.
Къонакъ аз олтурур, кёб сынар.
Мухар, кеси тойса да, кёзю тоймаз.
Ашарыкъда сайлагъаннга – чий гырджын.
Кёзню ачылгъаны – иги, ауузну джабылгъаны – иги.
Дууулдаса – бал чибин, къонса – къара чибин.
Джаш къарыу бла кючлю, къарт акъыл бла кючлю.
Сагъыш – къартлыкъгъа сюйюмчю.
Кесине оноу эте билмеген, халкъына да эте билмез.
Джылар джаш, атасыны сакъалы бла ойнар.
Биреу къой излей, биреу той излей.
Ашыкъгъан cуу, тенгизге джетмез.
Кимни – тили, тиши онглу, кимни – къолу, иши онглу.
Хата – гитчеден.
Кёл – къызбай, къол – батыр.
Урама да – ёледи, сатама да – келеди.

Логин:	Регистрация

Пароль:	Забыли пароль?

Запомнить меня

Аудио

Хасаитов Руслан

Скачать

Адрес