Аудио :: Аудио:: Чагилов Роберт

Кёзден кетген, кёлден да кетеди.
Тили узунну, намысы – къысха.
Айтхан – тынч, этген – къыйын.
Ёлген аслан – сау чычхан.
Къызны минг тилер, бир алыр.
Ана къойну – балагъа джандет.
Кирсизни – саны таза, халалны – къаны таза.
Ачылгъан эт джабылыр, кёрген кёз унутмаз.
Душманны тышы – акъ, ичи – къара.
Тилсиз миллет джокъ болур.
Ёлюк кебинсиз къалмаз.
Элге къуллукъ этмеген, элге ие болмаз.
Эринчекге кюн узун.
Ашын ашагъанынгы, башын да сыйла.
Иги сеники эсе да, сюйген кесимикин этеме.
Билими азны – ауузунда кирит.
Сууда джау джокъ, кёб сёзде магъана джокъ.
Харам къарнашдан, халал тенг ашхы.
Экеулен сёлеше тура эселе, орталарына барыб кирме.
Джеринден айырылгъан – джети джылар, джуртундан айырылгъан – ёлгюнчю джылар.
Джырчы ёлсе, джыры къалыр.
Тойгъан антын унутур.
Биреу ашаб къутулур, биреу джалаб тутулур.
Иесиз малны бёрю ашар.
Бет бетге къараса, бет да джерге къарар.
Соргъан айыб тюлдю, билмеген айыбды.
Чабакъ башындан чирийди.
Адамны сабийин сюйген джюреги, бычакъча, джитиди.
Дууулдаса – бал чибин, къонса – къара чибин.
Асхат ашлыкъ сата, юйдегиси ачдан къата.
Ауузу аманнга «иги», деме.
Ариу сёз – къылычдан джити.
Аууздан келген, къолдан келсе, ким да патчах болур эди.
Аджашханны ызындагъы кёреди, джангылгъанны джанындагъы биледи.
Ана къолу ачытмаз.
Акъдан къара болмаз.
Тилчи бир сагъатха айлыкъ хата этер.
Къарт болгъан джерде, берекет болур, сабий болгъан джерде, оюн болур.
Джарлы тюеге минсе да, ит къабар.
Сормай – алма, чакъырылмай – барма.
Къонакъ болсанг, ийнакъ бол.
Аман хансны – урлугъу кёб.
Ач, тоймам, дейди, тойгъан, ач болмам, дейди.
Акъыллы башны – тили къысха.
Кийиминг бла танылма, адамлыкъ бла таныл.
Къозулугъунда тоймагъан, къойлугъунда тоймаз.
Ойнай билмеген, оюн бузар.
Къыз чыгъаргъан – къызыл къымжа.
Бети бедерден, намыс сакълама.
Уллу къашыкъ эрин джыртар.

Логин:	Регистрация

Пароль:	Забыли пароль?

Запомнить меня

Аудио

Чагилов Роберт

Скачать

Адрес