Песен: 22 Создан:
06.05.2015 Обновлен:
06.05.2015
| 1 Мая | 2024 года |
Навигация
- Айран ичген – къутулду, джугъусун джалагъан – тутулду.
- Ёлюр джаннга, ёкюл джокъ.
- Тамчы таш тешер.
- Къонакъ хазыр болгъанлыкъгъа, къонакъбай хазыр тюлдю.
- Кёб къычыргъандан – къоркъма, тынч олтургъандан – къоркъ.
- Джогъун бар этген, барын бал этген.
- Ашлыкъны арба юйге келтирир, чана базаргъа элтир.
- Тиширыусуз юй – отсуз от джагъа.
- Эки элинги тыйсанг, джети элде махталырса.
- Джашны джигитлиги сорулур, къызны джигерлиги сорулур.
- Джырчы джырчыгъа – къарнаш.
- Айырылгъанланы айю ашар, бёлюннгенлени бёрю ашар.
- Ачыкъ джюрекге джол – ачыкъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Зар адамны насыбы болмаз.
- Aдам боллукъ, сыфатындан белгили.
- Акъылсызны джууукъгъа алма, акъыллыны кенгнге салма.
- Ёлген ийнек сютлю болур.
- Тынгылагъан тынгы бузар.
- Джети тилни билген джети кишиди.
- Чабар ат – джетген къыз.
- Шапа кёб болса, аш татымсыз болур.
- Бал – татлы, балдан да бала – татлы.
- Эки ойлашыб, бир сёлешген.
- Къартны бурнун сюрт да, оноугъа тут.
- Ач – эснер, ат – кишнер.
- Келгинчи, къонакъ уялыр, келгенден сора, къонакъбай уялыр.
- Уллу айтханны этмеген – уллаймаз.
- Чёбню кёлтюрсенг, тюбюнден сёз чыгъар.
- Телиге акъыл салгъандан эсе, ёлгеннге джан салырса.
- Мадар болса, къадар болур.
- Ачылгъан эт джабылыр, кёрген кёз унутмаз.
- Акъыл къартда, джашда тюйюлдю – башдады.
- Адамны артындан къара сабан сюрме.
- Эки къатын алгъанны къулагъы тынгнгаймаз.
- Кёз – сюйген джерде, къол – ауругъан джерде.
- Биреуге кёлтюрген таягъынг, кесинги башынга урур.
- Юре билмеген ит, къонакъ келтирир.
- Айранны сюйген, ийнек тутар.
- Байны оноуу, джарлыгъа джарамаз.
- Чомартха Тейри да борчлуду.
- Къонакъны къачан кетерин сорма, къачан келлигин сор.
- Хатерли къул болур.
- Тёрде – темир таякълы, къаяда – чыпчыкъ аякълы.
- Джерни букъусу кёкге къонмаз.
- Билмейме деген – бир сёз
- Эр сокъур болсун, къатын тилсиз болсун.
- Кёрмегеннге кебек – танг, битмегеннге сакъал – танг.
- Аллахха ийнаннган кишини, Аллах онгдурур ишин.
- Кюн кёрмеген, кюн кёрсе, кюндюз чыракъ джандырыр.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
