Аудио :: Аудио:: Боташева Зурият

Аджаллыгъа окъсуз шкок атылыр.
Сормай – алма, чакъырылмай – барма.
Къарт болгъан джерде, берекет болур, сабий болгъан джерде, оюн болур.
Джуртун къоругъан озар.
Джаш болсун, къыз болсун, акъылы, саны тюз болсун.
Байлыкъ келсе, акъыл кетер.
Джаханимни кёрмей, джандетге кёл салмазса.
Ёлюр джаннга, ёкюл джокъ.
Азыкълы ат арымаз, къатыны аман джарымаз.
Битмегеннге сакъал – танг.
Къарнынг тойгъунчу аша да, белинг талгъынчы ишле.
Ач бёрюге мекям джокъ.
Танг атмайма десе да, кюн къоярыкъ тюйюлдю.
Аш иеси бла татлыды.
Ата – баланы уясы.
Кёб ант этген, кёб ётюрюк айтыр.
Къаллай салам берсенг, аллай джууаб алырса.
Эркишиге тары кебек танг кёрюнюр.
Адеб базарда сатылмаз.
Тынгылагъан тынгы бузар.
Хазыр ашха – терен къашыкъ.
Хоншуну тауугъу къаз кёрюнюр, келини къыз кёрюнюр.
Таш бла ургъанны, аш бла ур.
Адамны сабийин сюйген джюреги, бычакъча, джитиди.
Джыланны къуйругъундан басарынг келсе, аны башы болгъанын унутма.
Къартха ушагъан джаш – акъыллы, джашха ушагъан къарт – тели.
Ата джурт – алтын бешик.
Термилгенинги табмазса, кюлгенинге тюберсе.
Таукел адам тау тешер.
Намысы джокъну – дуниясы джокъ.
Акъыл неден да кючлюдю.
Тёзген – тёш ашар!
Эки итни арасына сюек атма, эки адамны арасында сёз чыгъарма.
Оюмсуз атлагъан, аджалсыз ёлюр.
Чалманны аллы къалай башланса, арты да алай барады.
Ёлген эшек бёрюден къоркъмайды.
Байма, деб да, къууанма, джарлыма, деб да, джылама.
Эл тойса, тоймагъан, эл къойса, къоймагъан.
Аз айтсам, кёб ангылагъыз.
Ёпкелегенни ашы татлы болады.
Ашыкъгъанны этеги бутуна чырмалыр.
Бал – татлы, балдан да бала – татлы.
Эртде тургъан джылкъычыны эркек аты тай табар.
Мухардан ач ычхынмаз.
Телиге акъыл салгъандан эсе, ёлгеннге джан салырса.
Джарлы джети элни сёзюн этер.
Эллинг бла джау болсанг да, юйюнг бла джау болма.
Ойнай билмеген, уруб къачар.
Аманны къуугъан, аманлыкъ табар.
Уллу айтханны этмеген – уллаймаз.

Логин:	Регистрация

Пароль:	Забыли пароль?

Запомнить меня

Аудио

Боташева Зурият

Скачать

Адрес