Аудио :: Аудио:: Деккушева-Байрамукова Аида

Эте билген, этген этеди, эте билмеген, юретген этеди!
Намысы джокъну – дуниясы джокъ.
Къайгъы тюбю – тенгиз.
Аджашхан тёгерек айланыр.
Адебсиз адам – джюгенсиз ат.
Келинни – келгинчи, бёркню кийгинчи кёр.
Игиге айтсанг – билир, аманнга айтсанг – кюлюр.
Ёзденликни кёбю ётюрюк.
Сагъыш – къартлыкъгъа сюйюмчю.
Мухар, кеси тойса да, кёзю тоймаз.
Намыс болмагъан джерде, насыб болмаз.
Адам бла мюлк юлешмеген эсенг, ол адамны билиб бошагъанма, деб кесинги алдама.
Орундукъ тюбюнде атылсам да, орта джиликме, де да айлан.
Чомартны къолу берекет.
Нафысынгы айтханын этме, намысынгы айтханын эт.
Билмейме деген – бир сёз
Ачылгъан эт джабылыр, кёрген кёз унутмаз.
Мадар болса, къадар болур.
Урама да – ёледи, сатама да – келеди.
Билимден уллу байлыкъ джокъду.
Биреуге кёлтюрген таягъынг, кесинги башынга урур.
Байма, деб да, къууанма, джарлыма, деб да, джылама.
Ата Джуртуму башы болмасам да, босагъасында ташы болайым.
Керек ташны ауурлугъу джокъ.
Ат да турмайды бир териде.
Босагъа таш юйге кирмей эди, тыбыр таш эшикге чыкъмай эди.
Бети бедерден, намыс сакълама.
Джюрекге ариу – кёзге да ариу.
Хаухну атма, ёнгкючню сатма.
Кёзю сокъурдан – къоркъма, кёлю сокъурдан – къоркъ.
Тюзню ётмеги тюзде къалса да, тас болмаз.
Билим насыб берир, билим джолну керир.
Айран ичген – къутулду, джугъусун джалагъан – тутулду.
Чабар ат – джетген къыз.
Уллу атлама – абынырса, уллу къабма – къарылырса.
Нёгер болсанг, тенг бол, тенг болмасанг, кенг бол.
Кёбге таш атма.
Рысхы – насыбха къор.
Акъыллы айтыр эди, акъылсыз къоймайды.
Джырына кёре эжиую.
Тёрде – темир таякълы, къаяда – чыпчыкъ аякълы.
Джаш къарыу бла кючлю, къарт акъыл бла кючлю.
Ана – юйню кюн джарыгъы.
Чомарт бергенин айтмаз.
Башсыз урчукъ тюзюне айланмаз.
Ауурну тюбю бла, дженгилни башы бла джюрюген.
Акъыл неден да кючлюдю.
Ойнай билмеген, уруб къачар.
Байлыкъ болгъан джерде, тынчлыкъ джокъду.
Шайтан алдады, тюзлюк къаргъады.

Логин:	Регистрация

Пароль:	Забыли пароль?

Запомнить меня

Аудио

Деккушева-Байрамукова Аида

Скачать

Адрес