Аудио :: Аудио:: Хатуев Халит

Ишленмеген джаш – джюгенсиз ат, ишленмеген къыз – тузсуз хант.
Таш ата билмеген, башына урур.
Ата джурт – алтын бешик.
Эртде тургъан бла эртде юйленнген сокъуранмаз.
Джюрек кёзден алгъа кёрюр.
Джаханимни кёрмей, джандетге кёл салмазса.
Ашлыкъ – бюртюкден, джюн – тюкден.
Къарнынг тойгъунчу аша да, белинг талгъынчы ишле.
Сютню башын джалагъан къутулур, тюбюн ичген тутулур.
Аманны къуугъан, аманлыкъ табар.
Сабийликде юретмесенг, уллу болса – тюзелмез.
Рысхы – сют юсюнде кёмюк кибикди.
Махтаннган къыз, тойда джукълар.
Ат басханны джер билед.
Булут кёкге джарашыу, уят бетге джарашыу.
Байма, деб да, къууанма, джарлыма, деб да, джылама.
Байны оноуу, джарлыгъа джарамаз.
Мураты болгъанны джюрек тебюую башхады.
Тюзлюк тас болмайды.
Джеринден айырылгъан – джети джылар, джуртундан айырылгъан – ёлгюнчю джылар.
Ач уят къоймаз.
Аман адам элни бир-бирине джау этер.
Хар адамгъа кеси миннген тау кибик.
Этни да ашады, бетни да ашады.
Чакъырылгъанны аты, чакъырылмагъанны багъасы болур.
Къазанчы аман болса, къазаны къайнамаз.
Къаллай салам берсенг, аллай джууаб алырса.
Ичимден чыкъды хата, къайры барайым сата?
Биреуге аманлыкъ этиб, кесинге игилик табмазса.
Къарын къуру болса, джюрек уру болур.
«Ма», - дегенни билмесенг, «бер», - дегенни билмезсе.
Джаралыны джастыгъында сау ёлюр.
Итли къонакъ джарашмаз.
Тас болгъан бычакъны сабы – алтын.
Эрни эр этерик да, къара джер этерик да, тиширыуду.
Телини эшигин, махтау джабар.
Кёб къычыргъандан – къоркъма, тынч олтургъандан – къоркъ.
Джаш къарыу бла кючлю, къарт акъыл бла кючлю.
Келинни – келгинчи, бёркню кийгинчи кёр.
Акъыл къартда, джашда тюйюлдю – башдады.
Кёпюр салгъан кеси ётер, уру къазгъан кеси кетер.
Адам сёзге тынгыла, акъыл сёзню ангыла.
Къыйынлы джети элге оноу этер.
Ана къолу ачытмаз.
Эр сокъур болсун, къатын тилсиз болсун.
Оюмсуз атлагъан, аджалсыз ёлюр.
Тилчи тилден къаныкъмаз.
Къралынгы – душмандан, башынгы от бла суудан сакъла.
Тамбла алтындан бюгюн багъыр ашхы.
Иги сёз – джаннга азыкъ, аман сёз башха – къазыкъ.

Логин:	Регистрация

Пароль:	Забыли пароль?

Запомнить меня

Аудио

Хатуев Халит

Скачать

Скачать

Альбом “АЛЬБОМ - "МИЛЛЕТИМЕ ИННЕТИМ - ОТКРОВЕНИЯ МОЕМУ НАРОДУ"”

Скачать

Альбом “АЛЬБОМ - "С ЛЮБОВЬЮ"”

Адрес