Аудио :: Аудио:: Жашуев Башир

Эр абынмай, эл танымаз.
Къарт айтханны этмеген, къартаймаз.
Суу кетер, таш къалыр.
Айныгъанлы алты кюн, тогъайгъанлы тогъуз кюн.
Окъугъан – асыу, окъумагъан – джарсыу.
Адеб базарда сатылмаз.
Нёгерсизни джолу узун.
Ишни ахырын ойламай, аллын башлама.
Игиге айтсанг – билир, аманнга айтсанг – кюлюр.
Кийимни бир кюнню аясанг, минг кюннге джарар.
Джангызны оту джарыкъ джанмаз!
Аманны къуугъан, аманлыкъ табар.
Къайгъы тюбю – тенгиз.
Тойчу джашха къарама, къойчу джашха къара.
Бал – татлы, балдан да бала – татлы.
Ишленмеген джаш – джюгенсиз ат, ишленмеген къыз – тузсуз хант.
Кенгеш болса, уруш болмаз.
Чыкълы кюнде чыкъмагъан, чыкъса къуру кирмеген.
Ишлегенде эринме, ишде чолакъ кёрюнме.
Орундукъ тюбюнде атылсам да, орта джиликме, де да айлан.
Ач уят къоймаз.
Джюрекге ариу – кёзге да ариу.
Билген билмегенни юретген адетди.
Кеси юйюмде мен да ханма.
Таякъ этден ётер, тил сюекден ётер.
Кесинг сынамагъан затны, адамгъа буюрма.
Эртде тургъан бла эртде юйленнген сокъуранмаз.
Уруну арты – къуру.
Шекер бла туз – бир болмаз, ушамагъан – юй болмаз.
Ач къалгъандан, кеч къалгъан къолай.
Юйюнгден чыкъдынг – кюнюнгден чыкъдынг.
Оюмсуз атлагъан, аджалсыз ёлюр.
Мураты болгъанны джюрек тебюую башхады.
Эски джаугъа ышанма.
Нарт сёз къарт болмаз.
Адам бла мюлк юлешмеген эсенг, ол адамны билиб бошагъанма, деб кесинги алдама.
Мадар болса, къадар болур.
Кюн – узун, ёмюр – къысха.
Аджаллыгъа окъсуз шкок атылыр.
Ишлемеген – тишлемез.
Бетинги сатма, малынгы сат.
Айырылгъанланы айю ашар, бёлюннгенлени бёрю ашар.
Сагъышы джокъ – джукъучу, акъылы джокъ – къаугъачы.
Акъыл бла адеб эгизледиле.
Азыгъы аз, алгъа къабар, аты аман, алгъа чабар.
Кесинге джетмегенни, кёб сёлешме.
Тойгъанлыкъ къойгъа джарашады.
Джюз элде джюз ёгюзюм болгъандан эсе, джюз джууугъум болсун.
Кёз – сюйген джерде, къол – ауругъан джерде.
Уллу айтханны этмеген – уллаймаз.

Логин:	Регистрация

Пароль:	Забыли пароль?

Запомнить меня

Аудио

Жашуев Башир

Скачать

Адрес