Аудио :: Аудио:: Чомаева-Семенова Ася

Киштикге къанат битсе, чыпчыкъ къалмаз эди.
Джарлыны тону джаз битер.
Джаралыны джастыгъында сау ёлюр.
Башланнган иш битер, къымылдагъан тиш тюшер.
Къазанны башы ачыкъ болса, итге уят керекди.
Айырылмаз джууугъунга, унутмаз сёзню айтма.
Акъыллы башны – тили къысха.
Дуния аламаты сен эсенг да, игиме деб айтма.
Тиширыусуз юй – отсуз от джагъа.
Ойнай билмеген, оюн бузар.
Эки ойлашыб, бир сёлешген.
Джыланны къуйругъундан басарынг келсе, аны башы болгъанын унутма.
Орну джокъну – сыйы джокъ.
Ашын ашагъанынгы, башын да сыйла.
Биреуню эскиси биреуге джангы болмайды.
Къатын къылыкъсыз, эр тынчлыкъсыз.
Чомартны къолу берекет.
Билген билмегенни юретген адетди.
Уруну арты – къуру.
Эл тойса, тоймагъан, эл къойса, къоймагъан.
Аманнга игилик этсенг, юйюнге сау бармазса.
Сакъ юйюне сау барыр.
Адамны адамлыгъы къыйынлыкъда айгъакъланады.
Джыгъылгъанны сырты джерден тоймаз.
Ач къарным, тынч къулагъым.
Къызбайны юйюне дери сюрсенг, батыр болур.
Ариу сёз джыланны орнундан чыгъарыр.
Адамны аманы адамны бети бла ойнар.
Айраннга суу къош, телиге джол бош.
Кютгени беш эчки, сызгъыргъаны уа, джерни джарады.
Аз сёлеш, кёб ишле.
Къайтырыкъ эшигинги, къаты уруб чыкъма.
Къумурсхала джыйылсала, пилни да джыгъадыла.
Бермеген къол, алмайды.
Къар – келтирди, суу – элтди.
Халкъгъа джарагъан, джарлы къалмаз.
Къайгъыны сюйген, къайгъы табар.
Къыз тиширыу кеси юйюнде да къонакъды.
Къарт айтханны этмеген, къартаймаз.
Джол бла сёзню къыйыры джокъ.
Байдан умут эте, джарлыдан ёгюз багъасы къорады.
Термилгенинги табмазса, кюлгенинге тюберсе.
Джаш болсун, къыз болсун, акъылы, саны тюз болсун.
Джаным-тиним – окъуу, билим.
Татлы сёз – балдан татлы.
Таугъа чыгъаллыкъ эсенг, тюзде къалма.
Тёгюлген тюгел джыйылмайды.
Эртде тургъан джылкъычыны эркек аты тай табар.
Къайгъы тюбю – тенгиз.
Арыгъан къош чамчы болур.

Логин:	Регистрация

Пароль:	Забыли пароль?

Запомнить меня

Аудио

Чомаева-Семенова Ася

Скачать

Адрес