Аудио :: Аудио:: Текуев Амур

Адамны сыфатына къарама, сёзюне къара.
Ач да бол, токъ да бол – намысынга бек бол.
Ауругъаннга – кийик саулукъ, джетген къызгъа – чилле джаулукъ.
Иги бла джюрюсенг, джетерсе муратынга, аман бла джюрюсенг, къалырса уятха.
Тенги кёбню джау алмаз, акъылы кёбню дау алмаз.
Джашда акъыл джокъ, къартда къарыу джокъ.
Ёмюрлюк шохлукъну джел элтмез.
Джарлы эскисин джамаса, къууаныр.
Насыб бютеу халкъны юлюшюдю.
Адеб базарда сатылмаз.
Аман хансны – урлугъу кёб.
Тай асырагъан, атха минер.
Уруну арты – къуру.
Тёгюлген тюгел джыйылмайды.
Ёпкелегенни ашы татлы болады.
Къайтырыкъ эшигинги, къаты уруб чыкъма.
Тулпарлыкъ, билекден тюл – джюрекден.
Къууут – джелге, берне – бошха.
Ашаса, ашамаса да, бёрюню ауузу – къан.
Эки итни арасына сюек атма, эки адамны арасында сёз чыгъарма.
Мухардан ач ычхынмаз.
Аманнга алтын чыдамаз.
Адамгъа аман кюн соруб келмейди.
Адамны бетине къарама, адетине къара.
Аджалсыз ёлюм болмаз.
Кенгеш болса, уруш болмаз.
Тау башында, тау болмаз, джангыз терек, бау болмаз.
Этни да ашады, бетни да ашады.
Эте билген, этген этеди, эте билмеген, юретген этеди!
Кёл – къызбай, къол – батыр.
Байлыкъдан саулукъ ашхыды.
Борчунг бар эсе, хурджунунга ойлаб узал.
Термилгенинги табмазса, кюлгенинге тюберсе.
Кёб ант этген, кёб ётюрюк айтыр.
Айыбны суу бла джууалмазса.
Чабакъ башындан чирийди.
Азыгъы аз, алгъа къабар, аты аман, алгъа чабар.
Аманны тукъумуна къарама, игини тукъумун сорма.
Ойнай билмеген, уруб къачар.
Сабий болмагъан джерде, мёлек болмаз.
Ач къарным, тынч къулагъым.
Джыйырма къойну юч джыйырма эбзе кюте эди.
Ауругъанны сау билмез, ач къарынны токъ билмез.
Тас болгъан бычакъны сабы – алтын.
Къызын тута билмеген, тул этер, джашын тута билмеген, къул этер.
От этилмеген джерден тютюн чыкъмайды.
Сормай – алма, чакъырылмай – барма.
Къуру гыбыт бек дыгъырдар.
Агъач халкъгъа алтынды, иссиликге салкъынды.
Эшекни не къадар тюйсенг да, ат болмаз.

Логин:	Регистрация

Пароль:	Забыли пароль?

Запомнить меня

Аудио

Текуев Амур

Скачать

Адрес