Аудио :: Аудио:: Иман (группа)

Джаш болсун, къыз болсун, акъылы, саны тюз болсун.
Эл элде бирер малынг болгъандан эсе, бирер тенгинг болсун.
Арбаз къынгырды да, ийнек сауалмайма.
Хатерли къул болур.
Кюн – узун, ёмюр – къысха.
Ашхы сёз таш тешер.
Джерни букъусу кёкге къонмаз.
Мал тутхан – май джалар.
Рысхы – сют юсюнде кёмюк кибикди.
Кёбге таш атма.
Тойчу джашха къарама, къойчу джашха къара.
Этни да ашады, бетни да ашады.
Элни кючю – эмеген.
Адеб джокъда, намыс джокъ.
Сёз къанатсыз учар.
Билим насыб берир, билим джолну керир.
Сабийликде юретмесенг, уллу болса – тюзелмез.
От кюйдюрген, сау болса да, тот кюйдюрген, сау болмаз.
Ишлегенден, къарагъан уста.
Айтхан сёзюне табылгъан.
Киштикге къанат битсе, чыпчыкъ къалмаз эди.
Насыб бютеу халкъны юлюшюдю.
Ариу сёз джыланны орнундан чыгъарыр.
Бозанг болмагъан джерге, къалагъынгы сукъма.
Нафысынгы айтханын этме, намысынгы айтханын эт.
Джырчы ёлсе, джыры къалыр.
Аманны къуугъан, аманлыкъ табар.
Уллу сёзде уят джокъ.
Башы ишлегенни, ауузу да ишлер.
Башы джабылгъан челекге, кир тюшмез.
Ойнай билмеген, оюн бузар.
Къуллукъчума, деб махтанма, къуллукъ – хаух джамчыды!
Окъуусуз билим – джокъ, билимсиз кюнюнг – джокъ.
Суугъа – чабакъ, къаягъа – ыргъакъ.
Рысхы – насыбха къор.
Ёксюзню тилеги къабыл болур.
Ана къойну – балагъа джандет.
Ашхы атаны – джашы ашхы, ашхы ананы – къызы ашхы.
Алтыннга тот къонмаз.
Атлыны ашхысы, ат тизгининден билинир
Чомарт къонакъ юй иесин сыйлар.
Ач, тоймам, дейди, тойгъан, ач болмам, дейди.
Ким бла джюрюсенг, аны кёзю бла кёрюнюрсе.
Тенгни тенглиги джашай барсанг билинир.
Къолунгдан къуймакъ ашатсанг да, атаны борчундан къутулмазса.
Эртде тургъан джылкъычыны эркек аты тай табар.
Намысы джокъну – дуниясы джокъ.
Ётюрюкчюню шагъаты – къатында.
Игиге айтсанг – билир, аманнга айтсанг – кюлюр.
Башынга джетмегенни сорма.

Логин:	Регистрация

Пароль:	Забыли пароль?

Запомнить меня

Аудио

Иман (группа)

Скачать

Адрес