Аудио :: Аудио:: Теппеев Алим

Кёзден кетген, кёлден да кетеди.
Керти сёзге тёре джокъ.
Къайгъыны сюйген, къайгъы табар.
Джарлыны эшигин махтагъан джабар.
Айтылгъан буйрукъ, сёгюлмез
Сагъыш – къартлыкъгъа сюйюмчю.
Урунуу – насыбны анасы.
Кечеси – аяз, кюню – къыш, джарлы къаргъагъа бир аш тюш!
Таукел къуру къалмаз.
Ёксюзню къалачы уллу кёрюнюр.
Къолу уллу – асыу, аягъы уллу – джарсыу.
Аман эсирсе, юйюн ояр.
Къобан да къуру да къобханлай турмайды, адам да къуру да патчахлай турмайды.
Къарт айтханны этмеген, къартаймаз.
Окъ къызбайны джокълайды.
Башсыз урчукъ тюзюне айланмаз.
Окъумагъан сокъурду, сокъур ташха абыныр!
Ариу сёз – къылычдан джити.
Джумушакъ сёз къаты таякъны сындырыр.
Ач отунчуну ачыуу – бурнунда.
Айырылгъанланы айю ашар, бёлюннгенлени бёрю ашар.
Къызгъанчдан ычхыныр, мухардан ычхынмаз.
Къайгъы тюбю – тенгиз.
Джигер – джаннга къыйынлыкъ.
Чомартха Тейри да борчлуду.
Байлыкъ болгъан джерде, тынчлыкъ джокъду.
Ёлген аслан – сау чычхан.
Джангыз терек къынгыр ёсер.
Булут кёкге джарашыу, уят бетге джарашыу.
Ата джурт – алтын бешик.
Зар адамны насыбы болмаз.
Келгинчи, къонакъ уялыр, келгенден сора, къонакъбай уялыр.
Тил джюрекге джол ишлейди.
«Ёгюз, джаргъа джууукъ барма, меннге джюк боллукъса», - дегенди эшек.
Аджашхан тёгерек айланыр.
Керилген да, ургъан кибикди.
Ашхы сёз таш тешер.
Экеулен сёлеше тура эселе, орталарына барыб кирме.
Тойгъанлыкъ къойгъа джарашады.
Эл тойса, тоймагъан, эл къойса, къоймагъан.
Этим кетсе да, сюегим къалыр.
Намысы джокъну – дуниясы джокъ.
Аурууну келиую тынч, кетиую – къыйын.
Джаш къарыу бла кючлю, къарт акъыл бла кючлю.
Суугъа – чабакъ, къаягъа – ыргъакъ.
Болджал ишни бёрю ашар.
Тёзген – тёш ашар!
Къралынгы – душмандан, башынгы от бла суудан сакъла.
Аманнга игилик этсенг, юйюнге сау бармазса.
Ач къалгъандан, кеч къалгъан къолай.

Логин:	Регистрация

Пароль:	Забыли пароль?

Запомнить меня

Аудио

Теппеев Алим

Скачать

Адрес