Аудио :: Аудио:: Загаштокова Фатима

Азыгъы аз, алгъа къабар, аты аман, алгъа чабар.
Аджал соруб келмез, келсе, къайтыб кетмез.
Огъурлуну сёзю – суу, огъурсузну сёзю – уу.
Адебни адебсизден юрен.
Ашын ашагъанынгы, башын да сыйла.
Байдан умут эте, джарлыдан ёгюз багъасы къорады.
Кюл тюбюндеги от кёрюнмейди.
Баланы адам этген анады.
Эм ашхы къайын ана мамукъ бла башынгы тешер.
Тин – байлыгъынг, терен саулугъунг.
Къартха ушагъан джаш – акъыллы, джашха ушагъан къарт – тели.
Тойгъа алгъа да барма, тойда артха да къалма.
Адамны аты башхача, акъылы да башхады.
Тёрдеги кюлсе, эшикдеги ышарыр.
Кёкдеги болмаса, джердегин кёрмейди.
Джети тилни билген джети кишиди.
Къыйынлы джети элге оноу этер.
Ичимден чыкъды хата, къайры барайым сата?
Къарнынг бла ёч алма.
Бозанг болмагъан джерге, къалагъынгы сукъма.
Кюн – узун, ёмюр – къысха.
Терслик кетер, тюзлюк джетер.
Чоюнну башы ачыкъ болса, итге уят керекди.
Джауумдан сора, кюн кюйдюрюр, ётюрюкден сора, айыб кюйдюрюр.
Эли джокъну – кёлю джокъ.
Джолунга кёре – джюрюшюнг, джагъанга кёре – юлюшюнг.
Иги – алгъыш этер, аман – къаргъыш этер.
Аш хазыр болса, иш харам болур.
Адам сёзюнден белгили.
Къонакъ болсанг, ийнакъ бол.
Ашда – бёрю, ишде – ёлю.
Агъач – джерни чырайы, кийим – эрни чырайы.
Хар ишни да аллы къыйынды.
Къайгъы тюбю – тенгиз.
Хунаны тюбюн къазсанг, юсюнге ауар.
Къызны минг тилер, бир алыр.
Кёл ашады да, кеси ашады.
Тёгюлген тюгел джыйылмайды.
Ана къолу ачытмаз.
Узун джолну барсанг, бюгюн келирсе, къысха джолну барсанг, тамбла келирсе.
Тойгъан джерден туугъан джер игиди.
Бастасын ашагъан, хантусун да ичер.
Шайтан алдады, тюзлюк къаргъады.
Джюрек кёзден алгъа кёрюр.
Ашхылыкъ джерде джатмайды, аманлыкъ суугъа батмайды.
Тёзген – тёш ашар!
Элиб деген, элге болушур.
Арбаз къынгырды да, ийнек сауалмайма.
Нафысынгы айтханын этме, намысынгы айтханын эт.
Чомартха хар кюн да байрамды.

Логин:	Регистрация

Пароль:	Забыли пароль?

Запомнить меня

Аудио

Загаштокова Фатима

Скачать

Адрес