Песен: 7 Создан:
06.05.2015 Обновлен:
06.05.2015
| 1 Мая | 2024 года |
Навигация
- Эр абынмай, эл танымаз.
- Джаралыны джастыгъында сау ёлюр.
- Ургъан суудан башынгы сакъла.
- Мени джылытмагъан кюн, меннге тиймесин!
- Джеринден айырылгъан – джети джылар, джуртундан айырылгъан – ёлгюнчю джылар.
- Ишин билген, аны сыйын чыгъарады.
- Душманны тышы – акъ, ичи – къара.
- Ётюрюк хапар аякъ тюбю бла джюрюйдю.
- Джыланны къуйругъундан басарынг келсе, аны башы болгъанын унутма.
- Адамны аманы адамны бети бла ойнар.
- Адамны сыфатына къарама, сёзюне къара.
- Айранны сюйген, ийнек тутар.
- Аллахдан тилесенг, кёб тиле.
- Урама да – ёледи, сатама да – келеди.
- Джолда аягъынга сакъ бол, ушакъда тилинге сакъ бол.
- Къая джолда джортма, ачыкъ сёзден къоркъма.
- Бал ашаргъа сюе эсенг, чибин ургъаннга тёз.
- Ач уят къоймаз.
- Тели турса – той бузар.
- Малны кют, джерни тюрт.
- Аджашхан тёгерек айланыр.
- Огъурлуну сёзю – суу, огъурсузну сёзю – уу.
- Чабакъсыз кёлге къармакъ салгъанлыкъгъа, чабакъ тутмазса.
- Джырчы ёлсе, джыры къалыр.
- Адам сёзге тынгыла, акъыл сёзню ангыла.
- Тешик этген тынчды, аны джамагъан къыйынды.
- Ишни ахырын ойламай, аллын башлама.
- Атадан ёксюз – бир ёксюз, анадан ёксюз – эки ёксюз.
- Нафысынгы айтханын этме, намысынгы айтханын эт.
- Сабийни джумушха джибер да, ызындан бар.
- Ёлген аслан – сау чычхан.
- Намыс сатылыб алынмайды.
- Тюзлюк шохлукъну бегитир.
- Джыгъылгъанны сырты джерден тоймаз.
- Ариу сёзде ауруу джокъ.
- Керти сёзге тёре джокъ.
- Джашны джигитлиги сорулур, къызны джигерлиги сорулур.
- Таякъ этден ётер, тил сюекден ётер.
- Экиндини кеч къылсанг, чабыб джетер ашхам.
- Аз айтсам, кёб ангылагъыз.
- Садакъачыны джаны – къапчыгъында.
- Чакъырылмагъан къонакъ къачан кетерин сормаз.
- Уллу айтханны этмеген – уллаймаз.
- Сангырау къулакъ эл бузар.
- Чакъырылмагъан къонакъ тёрге атламаз.
- Акъдан къара болмаз.
- Терек ауса, отунчу – кёб.
- Суу да къайтады чыкъгъан джерине.
- Къартны сыйын кёрмеген, къартлыгъында сыйлы болмаз.
- Ашлыкъ – бюртюкден, джюн – тюкден.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
