Аудио :: Аудио:: Гергокова Тамара

Ариу сёзде ауруу джокъ.
Бети бедерден, намыс сакълама.
Кёзден кетген, кёлден да кетеди.
Адам сёзге тынгыла, акъыл сёзню ангыла.
Тойгъанлыкъ къойгъа джарашады.
Къулакъдан эсе, кёзге ышан.
Мухар, кеси тойса да, кёзю тоймаз.
Кёб джашагъан – кёб билир.
Алтыннга тот къонмаз.
Билимли ёлмез, билимсиз кёрмез.
Ётген ёмюр – акъгъан суу.
Билими азны – ауузунда кирит.
Аманнга да, игиге да оноусуз къатышма.
Ариу джол аджал келтирмез.
Къарт айтханны этмеген, къартаймаз.
Тёрени джагъы джокъ.
Акъдан къара болмаз.
Билимден уллу байлыкъ джокъду.
Къыз чыгъаргъан – къызыл къымжа.
Чыбыкълыкъда бюгюлмеген, къазыкълыкъда бюгюлмей эди.
Биреуге кёлтюрген таягъынг, кесинги башынга урур.
Ашхылыкъ джерде джатмайды, аманлыкъ суугъа батмайды.
Бек анасы джыламаз.
Шекер бла туз – бир болмаз, ушамагъан – юй болмаз.
Ауругъаннга – кийик саулукъ, джетген къызгъа – чилле джаулукъ.
Ишлерге уял да, ашаргъа табма.
Кёб ант этген, кёб ётюрюк айтыр.
Зар адамны насыбы болмаз.
Телини эшигин, махтау джабар.
Эркиши – от, тиширыу – суу.
Адеби болмагъан къыз – тузсуз хант.
Намыс болмагъан джерде, насыб болмаз.
Тели турса – той бузар.
Таукелге нюр джауар.
Тюзлюк шохлукъну бегитир.
Aдам боллукъ, сыфатындан белгили.
Аурууну келиую тынч, кетиую – къыйын.
Тау башында, тау болмаз, джангыз терек, бау болмаз.
Эр абынмай, эл танымаз.
Этни бети бла шорпасы.
Телиге от эт десенг, юйюнге от салыр.
Къанны къан бла джуума, аманны аман бла къуума.
Ёлмесенг да, къарт дамы болмазса?
Бичгенде ашыкъма, тикгенде ашыкъ.
Баш – акъыл ючюн, акъылман – халкъ ючюн.
Аз сёлешген, къайгъысыз турур.
Адебсиз адам – джюгенсиз ат.
Къыйынлы джети элге оноу этер.
Орну джокъну – сыйы джокъ.
Айран тёгюлсе, джугъусу къалыр.

Логин:	Регистрация

Пароль:	Забыли пароль?

Запомнить меня

Аудио

Гергокова Тамара

Скачать

Альбом “1”

Адрес