Песен: 15 Создан:
06.05.2015 Обновлен:
06.05.2015
| 1 Мая | 2024 года |
Навигация
- Ишленмеген джаш – джюгенсиз ат, ишленмеген къыз – тузсуз хант.
- Тынгылагъан тынгы бузар.
- Бозанг болмагъан джерге, къалагъынгы сукъма.
- Байлыкъ тауусулур, билим тауусулмаз.
- Бек ашыкъгъан меннге джетсин, дегенди аракъы.
- Ойнай билмеген, оюн бузар.
- Игиге айтсанг – билир, аманнга айтсанг – кюлюр.
- Алтыннга тот къонмаз.
- Суугъа – чабакъ, къаягъа – ыргъакъ.
- Итли къонакъ джарашмаз.
- Ата Джуртуму башы болмасам да, босагъасында ташы болайым.
- Урунуу – насыбны анасы.
- Биреу къой излей, биреу той излей.
- Тас болгъан бычакъны сабы – алтын.
- Иги сёз – джаннга азыкъ, аман сёз башха – къазыкъ.
- Къая джолда джортма, ачыкъ сёзден къоркъма.
- Мураты болгъанны джюрек тебюую башхады.
- Гыдай эчки суугъа къараб, мюйюзле кёрмесе, джашма алкъын, дегенди.
- Джашда акъыл джокъ, къартда къарыу джокъ.
- Минг тенг да азды, бир джау да кёбдю.
- Мухар, кеси тойса да, кёзю тоймаз.
- Сабыр джетер муратха, сабырсыз къалыр уятха.
- Джолда аягъынга сакъ бол, ушакъда тилинге сакъ бол.
- Ариу – кёзге, акъыл – джюрекге.
- Миллетни бойну – базыкъ, аны бла кюрешген – джазыкъ.
- Ойнай билмеген, уруб къачар.
- Насыблы элин сюер, насыбсыз кесин сюер.
- Узун джолну барсанг, бюгюн келирсе, къысха джолну барсанг, тамбла келирсе.
- Иги – алгъыш этер, аман – къаргъыш этер.
- Хунаны тюбюн къазсанг, юсюнге ауар.
- Гитче джилтин уллу элни джандырыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Къралынгы – душмандан, башынгы от бла суудан сакъла.
- Хансыз джомакъ болмаз.
- Халкъны джырын джырласанг, халкъ санга эжиу этер.
- Дженгил джетерикме деб, узун джолну къоюб, къысхасын барма.
- Билген билмегенни юретген адетди.
- Баланы адам этген анады.
- Къулакъдан эсе, кёзге ышан.
- Алгъанда – джууукъ, бергенде – джау.
- Къарны аманнга къазан такъдырма, къолу аманнга от джакъдырма.
- Тилчи бир сагъатха айлыкъ хата этер.
- Ана къолу ачытмаз.
- Азыкълы ат арымаз, къатыны аман джарымаз.
- Арба аугъандан сора, джол кёргюзтюучю кёб болур.
- Уллу айтханны этмеген – уллаймаз.
- Кесине гебен этелмеген, биреуге черен эте эди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Билгенни къолу къарны джандырыр.
- Джылар джаш, атасыны сакъалы бла ойнар.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
