Аудио :: Аудио:: Жаникаев Эльдар

Джогъун бар этген, барын бал этген.
Акъыллы – эл иеси, тели – эл баласы.
Тойгъандан сора, ашны сёкме.
Къумурсхала джыйылсала, пилни да джыгъадыла.
Ойнай билмеген, уруб къачар.
Чакъырылмагъан джерге барма, чакъырылгъан джерден къалма.
Эки ойлашыб, бир сёлешген.
Игини сыйлагъан адетди.
Ишге юренсин къоллары, халкъ бла болсун джоллары.
Магъанасыз сёз – тауушсуз сыбызгъы.
Байдан умут эте, джарлыдан ёгюз багъасы къорады.
Айран тёгюлсе, джугъусу къалыр.
Телиге акъыл салгъандан эсе, ёлгеннге джан салырса.
Ата – баланы уясы.
Эки къатын алгъанны къулагъы тынгнгаймаз.
Сууда джау джокъ, кёб сёзде магъана джокъ.
Байны оноуу, джарлыгъа джарамаз.
Джахил болса анасы, не билликди баласы?
Ёмюрлюк шохлукъну джел элтмез.
Ёнгкюч къууана барыр, джылай келир.
Чабакъгъа акъыл, табагъа тюшсе келеди.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Къаллай салам берсенг, аллай джууаб алырса.
Акъыллы башны – тили къысха.
Къыз тиширыу кеси юйюнде да къонакъды.
Джаш къарыу бла кючлю, къарт акъыл бла кючлю.
Этни да ашады, бетни да ашады.
Сыфатында болмагъаны, суратында болмаз.
Эл ауузу – элия.
Айранын берсенг, челегин да къызгъанма.
Ёлюр джаннга, ёкюл джокъ.
Баланы адам этген анады.
Чакъырылмай келген къонакъ сыйланмай кетер.
Ётюрюкчюню шагъаты – къатында.
Сёз садакъдан кючлюдю.
Ауругъанны сау билмез, ач къарынны токъ билмез.
Ашхы – джыяр, аман – джояр.
Бермеген къол, алмайды.
Нёгерсизни джолу узун.
Джауумдан сора, кюн кюйдюрюр, ётюрюкден сора, айыб кюйдюрюр.
Кёб ант этген, кёб ётюрюк айтыр.
Биреу къой излей, биреу той излей.
Биреуге кёлтюрген таягъынг, кесинги башынга урур.
Ач да бол, токъ да бол – намысынга бек бол.
Мухарны эси – ашарыкъда.
Тойгъа барсанг, тоюб бар, эски тонунгу къоюб бар.
Тура эдим джата, къайдан чыкъды хата?
Ёпкелегенни ашы татлы болады.
Кечеси – аяз, кюню – къыш, джарлы къаргъагъа бир аш тюш!
Юй ишлеген балта эшикде къалыр.

Логин:	Регистрация

Пароль:	Забыли пароль?

Запомнить меня

Аудио

Жаникаев Эльдар

Скачать

Адрес