Аудио :: Аудио:: Байрамуков Малик

Адамны джюреги нени кёрюрге сюйсе, кёзю да аны кёрюрге ёч болады.
Арбаз къынгырды да, ийнек сауалмайма.
Бал чибинни ургъаны – ачы, балы – татлы.
Адам туугъан джеринде, ит тойгъан джеринде.
Джигер – джаннга къыйынлыкъ.
Сагъыш – къартлыкъгъа сюйюмчю.
Чомарт бергенин айтмаз.
«Ёгюз, джаргъа джууукъ барма, меннге джюк боллукъса», - дегенди эшек.
Биреуню къыйынлыгъы бла кесинге джол ишлеме.
Элде адам къалмаса, ит тахтагъа минер.
Къая джолда джортма, ачыкъ сёзден къоркъма.
Чакъырылмай келген къонакъ сыйланмай кетер.
Душманны тышы – акъ, ичи – къара.
Джангыз терек къынгыр ёсер.
Кюн кёрмеген, кюн кёрсе, кюндюз чыракъ джандырыр.
Тил джюрекге джол ишлейди.
Джуртун къоругъан озар.
Окъумагъан сокъурду, сокъур ташха абыныр!
Ёпкелегенни ашы татлы болады.
Акъыл сабырлыкъ берир.
Хантына кёре тузу, юйюне кёре къызы.
Элни кючю – эмеген.
Этни бети бла шорпасы.
Ачылгъан эт джабылыр, кёрген кёз унутмаз.
Акъыллы айтыр эди, акъылсыз къоймайды.
Тилчиден кери бол.
Таукелге нюр джауар.
Ётюрюкню къуйругъу – бир тутум.
Тёзген – тёш ашар!
Джарлыны тону джаз битер.
Кимни – тили, тиши онглу, кимни – къолу, иши онглу.
Тиширыусуз юй – отсуз от джагъа.
Тура эдим джата, къайдан чыкъды хата?
Эринчекни аурууу – кёб.
Уллу атлама – абынырса, уллу къабма – къарылырса.
Биреуню тёрюнден, кесинги эшик артынг игиди.
Ачлыкъ отха секиртир.
Келгинчи, къонакъ уялыр, келгенден сора, къонакъбай уялыр.
Халкъгъа джарагъан, джарлы къалмаз.
Атынг аманнга чыкъгъандан эсе, джанынг тамагъынгдан чыкъсын.
Эрни эр этерик да, къара джер этерик да, тиширыуду.
Иги адамны бир сёзю эки болмаз.
Ишлемеген – тишлемез.
Къолунгдан къуймакъ ашатсанг да, атаны борчундан къутулмазса.
Джауумдан сора, кюн кюйдюрюр, ётюрюкден сора, айыб кюйдюрюр.
Сабий кёргенин унутмаз.
Къонакъ аман болса, къонакъбай джунчур
Татлы тилде – сёз ариу, чемер къолда – иш ариу.
Ариу джол аджал келтирмез.
Билгенни къолу къарны джандырыр.

Логин:	Регистрация

Пароль:	Забыли пароль?

Запомнить меня

Аудио

Байрамуков Малик

Скачать

Адрес