Аудио :: Аудио:: Холамханов Къайсын

Аман хансны – урлугъу кёб.
Дуния аламаты сен эсенг да, игиме деб айтма.
Эте билген, этген этеди, эте билмеген, юретген этеди!
Джарлы эскисин джамаса, къууаныр.
Шекер бла туз – бир болмаз, ушамагъан – юй болмаз.
Ашлыкъ – бюртюкден, джюн – тюкден.
Чакъырылмагъан къонакъ тёрге атламаз.
Биреу ашаб къутулур, биреу джалаб тутулур.
Ойнай-ойнай кёз чыгъар.
Акъдан къара болмаз.
Намысы болмагъанны, сыйы болмаз.
Юреннген ауруу къалмаз.
Кёлсюзден сёзсюз тууар.
Халкъны джырын джырласанг, халкъ санга эжиу этер.
Билим къая тешер.
Джаным-тиним – окъуу, билим.
Аджаллыгъа окъсуз шкок атылыр.
Иги болса, тамадама – махтау, аман болса, меннге – айыб.
Ишлегенде эринме, ишде чолакъ кёрюнме.
Ойнай билмеген, уруб къачар.
Татлы сёз – балдан татлы.
Аман адам этегингден тутса, кес да къач.
Адамны бетине къарама, адетине къара.
Ашына кёре табагъы, балына кёре къалагъы.
Баргъанынга кёре болур келгенинг.
Мухар, кеси тойса да, кёзю тоймаз.
Джылыгъа джылан илешир.
Сескекли кесин билдирир.
Ашыкъгъан cуу, тенгизге джетмез.
Айранын берсенг, челегин да къызгъанма.
Къатын байлыкъны сюер, эр саулукъну сюер.
Эм ашхы къайын ана мамукъ бла башынгы тешер.
Ашхы атаны – джашы ашхы, ашхы ананы – къызы ашхы.
Ойнай билмеген, оюн бузар.
Бир абыннган – минг сюрюнюр.
Кесине оноу эте билмеген, халкъына да эте билмез.
Окъугъан – асыу, окъумагъан – джарсыу.
Харам къарнашдан, халал тенг ашхы.
Биреуню эскиси биреуге джангы болмайды.
Таш бла ургъанны, аш бла ур.
Сютден ауузу кюйген, суугъа юфгюре эди.
Хантына кёре тузу, юйюне кёре къызы.
Адамны сабийин сюйген джюреги, бычакъча, джитиди.
Кёзден кетген, кёлден да кетеди.
Сютню башын джалагъан къутулур, тюбюн ичген тутулур.
Ёлмесенг да, къарт дамы болмазса?
Ёгюзню мюйюзюнден тутадыла, адамны сёзюнден тутадыла.
Таула не мийик болсала да, аууш табылыр.
Ауурну тюбю бла, дженгилни башы бла джюрюген.
Ашхы тенг джолгъа салыр, аман тенг джолдан тайдырыр.

Логин:	Регистрация

Пароль:	Забыли пароль?

Запомнить меня

Аудио

Холамханов Къайсын

Скачать

Адрес