Аудио :: Аудио:: Хубиев Хасан

Иги адамны бир сёзю эки болмаз.
Накъырданы арты керти болур.
Къар – келтирди, суу – элтди.
Мухардан ач ычхынмаз.
Тюзлюк тас болмайды.
Таукел тауну аудурур.
Чакъырылмагъан къонакъ къачан кетерин сормаз.
Ата Джуртун танымагъан, атасын да танымаз.
Къыйынлы джети элни къайгъысын этер.
Биреуге аманлыкъны тилеме да, кесинге ашхылыкъны тиле.
Арба аугъандан сора, джол кёргюзтюучю кёб болур.
Къарнынг тойгъунчу аша да, белинг талгъынчы ишле.
Бети бедерден, намыс сакълама.
Татлы тилде – сёз ариу, чемер къолда – иш ариу.
Джети тилни билген джети кишиди.
Чабакъсыз кёлге къармакъ салгъанлыкъгъа, чабакъ тутмазса.
Хар ишни да аллы къыйынды.
Сыфатында болмагъаны, суратында болмаз.
Тойну къарнашы – харс, джырны къарнашы – эжиу.
Эки къатын алгъан – эки ташны ортасына башын салгъан.
Суугъа – чабакъ, къаягъа – ыргъакъ.
Джырына кёре эжиую.
Дуния малгъа сатылма, кесингден телиге къатылма.
Ата – баланы уясы.
Башда акъыл болмаса, эки аякъгъа кюч джетер.
Эл ауузу – элия.
Уллу айтханны этмеген – уллаймаз.
Намыс болмагъан джерде, насыб болмаз.
Эр сокъур болсун, къатын тилсиз болсун.
Аман хансны – урлугъу кёб.
Намысы болмагъанны, сыйы болмаз.
Тин – байлыгъынг, терен саулугъунг.
Татлы сёз – балдан татлы.
Эки ойлашыб, бир сёлешген.
Сагъышы джокъ – джукъучу, акъылы джокъ – къаугъачы.
Тамырсыз терекге таянма – джыгъылырса.
Ишлерге уял да, ашаргъа табма.
Минг тенг да азды, бир джау да кёбдю.
Ёксюзню тилеги къабыл болур.
Суу кетер, таш къалыр.
Кийим тукъум сордурур.
Адамны артындан къара сабан сюрме.
Юйюнгден чыкъдынг – кюнюнгден чыкъдынг.
Булут кёкге джарашыу, уят бетге джарашыу.
Уллу суу бла уллу ауруудан башынгы сакъла.
Биреуге кёлтюрген таягъынг, кесинги башынга урур.
Ашын ашагъанынгы, башын да сыйла.
Адамгъа аман кюн соруб келмейди.
Адамны бетине къарама, адетине къара.
Тас болгъан бычакъны сабы – алтын.

Логин:	Регистрация

Пароль:	Забыли пароль?

Запомнить меня

Аудио

Хубиев Хасан

Скачать

Адрес