Аудио :: Аудио:: Джаммаев Борис

Хантына кёре тузу, юйюне кёре къызы.
Аман хансны – урлугъу кёб.
Сакъ юйюне сау барыр.
Рысхы – сют юсюнде кёмюк кибикди.
Ашхы сёз таш тешер.
Юйюнгден чыкъдынг – кюнюнгден чыкъдынг.
Биреуге кёлтюрген таягъынг, кесинги башынга урур.
Ишин билген, аны сыйын чыгъарады.
Иги болса, тамадама – махтау, аман болса, меннге – айыб.
Джюз элде джюз ёгюзюм болгъандан эсе, джюз джууугъум болсун.
Бозанг болмагъан джерге, къалагъынгы сукъма.
Тёрени джагъы джокъ.
Джырчы ёлсе, джыры къалыр.
Кёзню ачылгъаны – иги, ауузну джабылгъаны – иги.
Ачыу алгъа келсе, акъыл артха къалады.
Башы джабылгъан челекге, кир тюшмез.
Айран тёгюлсе, джугъусу къалыр.
Тели турса – той бузар.
Эркишиге тары кебек танг кёрюнюр.
Ишни аллы бла къууанма да, арты бла къууан.
Тёгюлген тюгел джыйылмайды.
Ач къалгъандан, кеч къалгъан къолай.
Ата Джуртча джер болмаз, туугъан элча эл болмаз.
Аз айтсам, кёб ангылагъыз.
Аманнга да, игиге да оноусуз къатышма.
Аджашханны ызындагъы кёреди, джангылгъанны джанындагъы биледи.
Мал ёлсе, сюек къалыр, адам ёлсе, иши къалыр.
Кирсизни – саны таза, халалны – къаны таза.
Керти сёзге тёре джокъ.
Ач отунчуну ачыуу – бурнунда.
Аууздан келген, къолдан келсе, ким да патчах болур эди.
Айырылмаз джууугъунга, унутмаз сёзню айтма.
Къонакъны къачан кетерин сорма, къачан келлигин сор.
Тилсиз миллет джокъ болур.
Ашда уялгъан – мухар, ишде уялгъан – хомух.
Иги джашны ышаны – аз сёлешиб, кёб тынгылар.
Тойну къарнашы – харс, джырны къарнашы – эжиу.
Накъырда – кертини келечиси.
Кютгени беш эчки, сызгъыргъаны уа, джерни джарады.
Зарда марда джокъ.
Таукел къуру къалмаз.
Адам сёзюнден белгили.
Ойнаб айтсанг да, эслеб айт.
Ёпкелегенни ашы татлы болады.
Аз сёлеш, кёб ишле.
Экеу тутушса, биреу джыгъылыр.
Кесинг сынамагъан затны, адамгъа буюрма.
Алим болгъандан эсе, адам болгъан къыйынды.
Узун джолну барсанг, бюгюн келирсе, къысха джолну барсанг, тамбла келирсе.
Къонакъ аман болса, къонакъбай джунчур

Логин:	Регистрация

Пароль:	Забыли пароль?

Запомнить меня

Аудио

Джаммаев Борис

Скачать

Адрес