Аудио :: Аудио:: Сказки

Джангыз терек къынгыр ёсер.
Джуртун къоругъан озар.
Зар адам ашынгы ашар, кесинги сатар.
Сескекли кесин билдирир.
Ат да турмайды бир териде.
Намысы джокъну – дуниясы джокъ.
Юреннген ауруу къалмаз.
Бети къызарыучу адамны, джюреги харам болмаз.
Босагъа таш юйге кирмей эди, тыбыр таш эшикге чыкъмай эди.
Джаралыны джастыгъында сау ёлюр.
Тёрде – темир таякълы, къаяда – чыпчыкъ аякълы.
Чалманны аллы къалай башланса, арты да алай барады.
Ачны эсинде – аш.
Иги адам абынса да, джангылмаз.
Мен да «сен», дейме, сен да «кесим», дейсе.
Рысхысына кёре, джаш ёсер, къышлыгъына кёре, мал ёсер.
Нафысынгы айтханын этме, намысынгы айтханын эт.
Тойгъан джерге джети къайт.
Кийимни бир кюнню аясанг, минг кюннге джарар.
Ашхы сёз таш тешер.
Билеги кючлю, бирни джыгъар, билими кючлю, мингни джыгъар.
Ашарыкъда сайлагъаннга – чий гырджын.
Тойчу джашха къарама, къойчу джашха къара.
Дуния аламаты сен эсенг да, игиме деб айтма.
Ачылгъан эт джабылыр, кёрген кёз унутмаз.
Экеулен сёлеше тура эселе, орталарына барыб кирме.
«Ёгюз, джаргъа джууукъ барма, меннге джюк боллукъса», - дегенди эшек.
Къатыны харакетли болса, эри къымсыз болур.
Тойгъан антын унутур.
Керек ташны ауурлугъу джокъ.
Адамны сыфатына къарама, сёзюне къара.
Билген билмегенни юретген адетди.
Билмезни кёзю кёрмез, этмезни къулагъы эшитмез.
Ёксюзню тилеги къабыл болур.
Джангыз торгъай джырламаз.
Ашаса, ашамаса да, бёрюню ауузу – къан.
Айранны сюйген, ийнек тутар.
Сагъышы джокъ – джукъучу, акъылы джокъ – къаугъачы.
Эрине къаргъыш этген къатын, эрнин къабар.
Джерни букъусу кёкге къонмаз.
Къанны къан бла джуума, аманны аман бла къуума.
Минг тенг да азды, бир джау да кёбдю.
Термилгенинги табмазса, кюлгенинге тюберсе.
Тынгылагъан тынгы бузар.
Татлы сёз – балдан татлы.
Сибиртки да сыйлы болду, кюрек да кюнлю болду.
Ётюрюк хапар аякъ тюбю бла джюрюйдю.
Магъанасыз сёз – тауушсуз сыбызгъы.
Ашхы атаны – джашы ашхы, ашхы ананы – къызы ашхы.
Телиге от эт десенг, юйюнге от салыр.

Логин:	Регистрация

Пароль:	Забыли пароль?

Запомнить меня

Аудио

Сказки

Скачать

Адрес