Аудио :: Аудио:: Борлаков Рустам

Рысхы – насыбха къор.
Чакъырылгъанны аты, чакъырылмагъанны багъасы болур.
Къызын тута билмеген, тул этер, джашын тута билмеген, къул этер.
Чомарт джарлы болмаз.
Ач къарынны, токъ билмез
Арыгъан къош чамчы болур.
Алтыда кюлмеген, алтмышда кюлмез.
Келинин тута билмеген, къул этер, къызын тута билмеген, тул этер.
Джан саулукъ бермей, сан саулукъ бермезсе.
Биреуге кёлтюрген таягъынг, кесинги башынга урур.
Атлыны кёрсе, джаяуну буту талыр.
Ишлерге уял да, ашаргъа табма.
Кёзден кетген, кёлден да кетеди.
Къарнынг къанлынга кийирир.
Ашда уялгъан – мухар, ишде уялгъан – хомух.
Къыйынлы джети элни къайгъысын этер.
Уллу сёлешме да, уллу къаб.
Ат басханны джер билед.
Тиширыусуз юй – отсуз от джагъа.
Кёлсюзден сёзсюз тууар.
Тёгюлген тюгел джыйылмайды.
Дуния мал дунияда къалады.
Сагъыш – къартлыкъгъа сюйюмчю.
Айырылмаз джууугъунга, унутмаз сёзню айтма.
Эр абынмай, эл танымаз.
Ёмюрлюк шохлукъну джел элтмез.
Хантына кёре тузу, юйюне кёре къызы.
Джигер – джаннга къыйынлыкъ.
Сыфатында болмагъаны, суратында болмаз.
Къазанчы аман болса, къазаны къайнамаз.
Ач къарным, тынч къулагъым.
Ачыкъ джюрекге джол – ачыкъ.
Атлыны ашхысы, ат тизгининден билинир
Тойгъан джерден туугъан джер игиди.
Акъдан къара болмаз.
Сибиртки да сыйлы болду, кюрек да кюнлю болду.
Окъдан джара эртде-кеч болса да бителир, сёз джара, ёмюрге къалыр.
Окъугъанны бети джарыкъ.
Къыз чыгъаргъан – къызыл къымжа.
Джырчы ёлсе, джыры къалыр.
Айранны сюйген, ийнек тутар.
Мени джылытмагъан кюн, меннге тиймесин!
Ашда – бёрю, ишде – ёлю.
Экиндини кеч къылсанг, чабыб джетер ашхам.
Билмегенинги, билгеннге сор.
Билеги кючлю, бирни джыгъар, билими кючлю, мингни джыгъар.
Къуру гыбыт бек дыгъырдар.
Бир абыннган – минг сюрюнюр.
Джетген къыз джерли эшекни танымаз.
Дженгил джетерикме деб, узун джолну къоюб, къысхасын барма.

Логин:	Регистрация

Пароль:	Забыли пароль?

Запомнить меня

Аудио

Борлаков Рустам

Скачать

Адрес