Песен: 16 Создан:
06.05.2015 Обновлен:
06.05.2015
| 1 Мая | 2024 года |
Навигация
- Къартны бурнун сюрт да, оноугъа тут.
- Элде адам къалмаса, ит тахтагъа минер.
- Къуллукъчума, деб махтанма, къуллукъ – хаух джамчыды!
- Таш ата билмеген, башына урур.
- Дуния малгъа сатылма, кесингден телиге къатылма.
- Башда акъыл болмаса, эки аякъгъа кюч джетер.
- Тойгъан антын унутур.
- Кесине гебен этелмеген, биреуге черен эте эди.
- Акъыл къартда, джашда тюйюлдю – башдады.
- Азыгъы аз, алгъа къабар, аты аман, алгъа чабар.
- Гугук кесини атын айтыб къычыргъанча, мен, мен деб нек тураса?
- Чабар ат – джетген къыз.
- Кёбню кёрген – кёб билир.
- Мал ёлсе, сюек къалыр, адам ёлсе, иши къалыр.
- Тюзлюк шохлукъну бегитир.
- Джырына кёре эжиую.
- Аурууну келиую тынч, кетиую – къыйын.
- Джумушакъ терекни къурт ашар.
- Шекер бла туз – бир болмаз, ушамагъан – юй болмаз.
- Бетинги сатма, малынгы сат.
- Ашына кёре табагъы, балына кёре къалагъы.
- Уллу айтханны этмеген – уллаймаз.
- Кёзню ачылгъаны – иги, ауузну джабылгъаны – иги.
- Алим болгъандан эсе, адам болгъан къыйынды.
- Башынга джетмегенни сорма.
- Чакъырылмагъан къонакъ къачан кетерин сормаз.
- Джарлы джети элни сёзюн этер.
- Кёзю сокъурдан – къоркъма, кёлю сокъурдан – къоркъ.
- Эм ашхы къайын ана мамукъ бла башынгы тешер.
- Ёксюзню тилеги къабыл болур.
- Джахил болса анасы, не билликди баласы?
- Рысхы джалгъанды: келген да этер, кетген да этер.
- Аууздан келген, къолдан келсе, ким да патчах болур эди.
- Тели турса – той бузар.
- Айран ичген – къутулду, джугъусун джалагъан – тутулду.
- Кёзден кетген, кёлден да кетеди.
- Сакъалы текени да бар, мыйыгъы киштикни да бар.
- Иги адамны бир сёзю эки болмаз.
- Адам сёзюнден белгили.
- Эки къатын алгъанны къулагъы тынгнгаймаз.
- Кесинге джетмегенни, кёб сёлешме.
- Окъ къызбайны джокълайды.
- Ариу сёз – джаннга азыкъ, аман сёз – башха къазыкъ.
- Гитче джилтин уллу элни джандырыр.
- Тёзгеннге, джабылгъан эшик ачылыр.
- Бёрю да ач къалмасын, эчки да ашалмасын.
- Ана кёлю – балада, бала кёлю – талада.
- Къонагъынгы артмагъын алма да, алгъышын ал.
- Хантына кёре тузу, юйюне кёре къызы.
- Кюн кёрмеген, кюн кёрсе, кюндюз чыракъ джандырыр.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
