Песен: 6 Создан:
06.05.2015 Обновлен:
27.11.2017
| 1 Мая | 2024 года |
Навигация
- Биреу ашаб къутулур, биреу джалаб тутулур.
- Айранын берсенг, челегин да къызгъанма.
- Ауузу аманнга «иги», деме.
- Билгенни къолу къарны джандырыр.
- Бастасын ашагъан, хантусун да ичер.
- Ариу сёз – къылычдан джити.
- Джюрек кёзден алгъа кёрюр.
- Ойнай билмеген, оюн бузар.
- Кёзню ачылгъаны – иги, ауузну джабылгъаны – иги.
- Джюрекден джюрекге джол барды.
- Ач, тоймам, дейди, тойгъан, ач болмам, дейди.
- Билеги кючлю, бирни джыгъар, билими кючлю, мингни джыгъар.
- Элге къуллукъ этмеген, элге ие болмаз.
- Джашлыкъ этмеген, башлыкъ этмез.
- Сууда джау джокъ, кёб сёзде магъана джокъ.
- Халкъны джырын джырласанг, халкъ санга эжиу этер.
- Таугъа чыгъаллыкъ эсенг, тюзде къалма.
- Къарыусузгъа кюлме, онгсузгъа тийме.
- Баргъанынга кёре болур келгенинг.
- Чомарт къонакъ юй иесин сыйлар.
- Алтыда кюлмеген, алтмышда кюлмез.
- Ауругъан – джашаудан умутчу.
- Джаз бир кюнню джатсанг, къыш талай кюнню абынырса.
- Эринчекни аурууу – кёб.
- Адамны артындан къара сабан сюрме.
- Адеб базарда сатылмаз.
- Тюз сёз баргъан сууну тыяр.
- Баланы адам этген анады.
- Акъыл неден да кючлюдю.
- Тил джюрекге джол ишлейди.
- Джаш болсун, къыз болсун, акъылы, саны тюз болсун.
- Джарлы эскисин джамаса, къууаныр.
- Ашаса, ашамаса да, бёрюню ауузу – къан.
- Танг атмайма десе да, кюн къоярыкъ тюйюлдю.
- Бети – къучакълар, джюреги – бычакълар.
- Рысхы – сют юсюнде кёмюк кибикди.
- Джарашыу сюйген – джалынчакъ.
- Мени джылытмагъан кюн, меннге тиймесин!
- Къазанда болса, чолпугъа чыгъар.
- Бал чибинни ургъаны – ачы, балы – татлы.
- Рысхы – насыбха къор.
- Джети тилни билген джети кишиди.
- Кёбден умут этиб, аздан къуру къалма.
- Билим къая тешер.
- Айтылгъан сёз ызына къайтмаз.
- Ач да бол, токъ да бол – намысынга бек бол.
- Билим – акъылны чырагъы.
- Намыс сатылыб алынмайды.
- Таукелге нюр джауар.
- Бичгенде ашыкъма, тикгенде ашыкъ.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
